Uwahoze ari umukinnyi wa filimi Meghan markle kuri ubu ugiye gukora ubukwe n’igikomangoman cyo mu Bwongereza Harry (Prince Henry of Wales KCVO), arashinjwa na musaza we bavukana kuba ikigwali kubera ko atigeze agira uwo atumira mu bukwe buri kuvugisha benshi ku isi.

Bamwe mu muryango wa Meghan Markle ntibishimiye icyemezo yafashe

Thomas Jnr w’imyaka 51, akaba ari musaza wa Meghan Markle bavukana ku mubyeyi umwe, yatangaje ko uyu mukobwa yakize akibagirwa umuryango, ko yitandukanyije n’umuryango we kubera ko nta muntu n’umwe yigeze atumira mu bukwe bwe buteganyijwe mu kwezi gutaha ku wa 19 Gicurasi 2018.

Bamwe mu muryango wa Meghan Markle ntibishimiye icyemezo yafashe
Thomas Jnr usaza wa Meghan yamwise ikigwari

Thomas Jnr yagize ati: “Yibagiwe burundu aho yavuye, ndetse umuryango we yawuciyemo ibice. Meghan yahoraga yigira umuntu mwiza ufasha abandi, nyamara ibyo byose ntiyigeze abikorera umuryango we. Yageze ku gasongero k’ubuzima bwe, gusa ibyo ari gukora ni ubuswa. Yatangaje ko yifuza kuba nka Diana ariko ntiyabigeraho kuko Diana yari intwari ishimwa na buri wese, gusa we ageze aho kwihakana umuryango we.”

Bamwe mu muryango wa Meghan Markle ntibishimiye icyemezo yafashe
Meghan Markle yanze gutumira abavandimwe be mu bukwe bwe n’Igikomangoma Harry

Thomas Jnr akaba yatangaje ko aheruka guhura na mushiki we Meghan Markle mu mwaka wa 2011 ubwo bahuriye mu muhango wo gushyingura nyirakuru witwaga Doris.

Prince Harry nkuko benshi bamuzi, ku myaka 33 y’amavuko, akaba umuhungu muto wa Charles, Prince of Wales na Diana, Princess of Wales, agiye gukorana ubukwe na Meghan Meghan Markle w’imyaka 36 y’amavuko, ubukwe buzaba kuwa 19 Gicurasi 2018.

Prince Harry aritegura kubana na Meghan Markle

Meghan n’igikomangoma Harry batumiye abantu bagera kuri 600, ariko Meghan w’imyaka 36 y’amavuko yatumiye Papa we na Mama we gusa, benshi bakaba bashinja igikomangoma Harry kugira uruhare rukomeye mu gutuma Meghan yirengagiza bene wabo yanga kubatumira mu bukwe.

TANGA IGITEKEREZO KURI IYI NKURU