Soma maze wisekere n’izi byenda gusetsa, aho umugabo yajyanye umwana wekwa muganga, imbeba zikiyemeranyaho, urukundo rwo kuri facebook, umuntu wari ufite uburwayi bwo mu mutwe ndetse n’urupfu.

Byenda Gusetsa zigufashe kugorora imbavu

1. Umugabo umwe yajyanye umwana we wari warembye ku kigo nderabuzima kumuvuza, basanga harasabwa kumubaga (Operation chirurgicale) bahita bamwohereza ku bitaro bikuru, ariko bahageze basanga umudogiteri mukuru ugomba kumubaga adahari umugabo asaba ko bamuhamagara.

N’ uko Dogiteri aje umugabo aba aramukankamiye cyane, ati: “Ariko abantu mwabaye mute? Urabona igihe baba baguhamagariye ngo uze utabare ubuzima bw’ umuntu, ariko ukitinza nk’ aho uyobewe ko amagara aseseka ntayorwe? Ugire ibyago umwana wanjye agire icyo aba!”

Dogiteri aramureba aramwenyura aramubwira, ati: “Humura Imana irabikora uko yabiteguye. Twe abaganga dufasha umuntu ufite ubuzima buri mu kaga, ariko nta bushobozi dufite bwo kongerera umuntu iminsi yo kubaho ku yo yateguriwe, ninayo mpamvu tudafite ububasha bwo guhagarika urupfu, ariko kandi tunizera ko hari Imana iri hejuru y’ ubushobozi bwacu”….

Wamugabo ati: “niba rero ibyo ugiye gukora ari ugutayanjwa, hamagara Imana kuko nawe uzi neza ko ikurusha ubushobozi, ubundi imushiririze naho ubundi nagira icyaba urambona.

2. Imbeba 3 ziyemeranyeho karahava pe ! Iya 1 iti: “muziko uriya muti wica imbeba ariwo niblossesha amenyo?”  Iya 2 iti: “Nonese ko njye aya matuza ubona, nuko nkorera pompage kuri gakoco!”  Iya 3 iraseka cyane iti: “muri imbeba zafeke, njye ubu tuvugana mfite ipusi nagize umugore!” Hhhhhhh!

3. Umuhungu yahuriye n’umukobwa ku rubuga facebook, barakundana bahana na nimero za watsap, umunsi umwe umukobwa ahamagara umuhungu ati: “Sheri, uri he ko ngukumbuye?”  Umusore ati: “ndi iwanjye nicaye mu busitani ndasharamye.” Umukobwa ati: “ifotore unyereke ifoto.”  Umuhungu bihuza nuko yari arimo kugenda mu muhanda, abona igipangu cyiza imbere kirimo ubusitani, abuhagararamo arifotora ayoherereza umukobwa kuri watsap, umukobwa ifoto arayitegereza, aramusubiza ati niba ari aho uri reka nsohoke ngusuhuze uri iwacu.

4. Umuntu ufite uburwayi bwo mu mutwe yari arimo yumva amatangazo kuri radiyo, hanyuma bahita bavuga umuntu bitiranwa wapfuye, ahita afata ya radiyo ayikubita hasi arayimena, mugenzi we aramubaza ati : “Ko urakaye bigenze bite?  Nawe aramusubiza ati: “Narapfuye, ariko mu rugo bakomeje kubimpisha, aka kanya nibwo nkibimenya.”

5.  Urupfu rwabwiye umugabo ngo ni wowe uri ku rutonde rwa mbere rw’abagiye gupfa. Nuko wa mugabo abyumvise ararutahana (Urupfu), ararutekera, arugurira inzoga, rurarya rurasinzira. Wa mugabo ararucunga ajya kuri ya liste yisiba ku mwanya wa mbere yiyandika ku mwanya wa nyuma. Aho urupfu rubyukiye, ruramubwira ruti “Kubera ukuntu wanyakiriye neza, sinkihereye imbere, ngiye kwica mpera inyuma”.

Muri izi Byenda Gusetsa ni iyihe igusekeje cyane?

Leave a Reply