Ku bakobwa n’abagore bakunze guhura n’iki kibazo cy’ uburibwe bukabije mu gihe cy’imihango, ibi bintu 8 byagufasha muri ibyo bihe, gerageza gukoresha ubu buryo maze urebe ngo urabona itandukaniro rifatika ku byari bisanzwe bikubaho.

Dore ibyagufasha mu gihe ugira uburibwe bukabije mu gihe cy’imihango

Abahanga mu by’ubuzima n’imyororokere bavuga ko niba rero ukunze guhura niki kibazo, wagerageza gufata ibiribwa cyangwa ibinyobwa bikurikira kuko byakorohereza uburibwe bukabije mu guhe cy’ imihango:

1. Kunywa icyayi gishyushye kirimo amajyane menshi na persil ni ingenzi cyane mu gihe uribwa kuko uburibwe buhita bugenda bugabanuka.

2. Utubuto twa sezame natwo kuturya ku mafunguro yose ugiye gufata cyangwa wabishobora ukaduhekenya nabwo ububabare bugenda bushira.

3. Sereri nyinshi mu biryo byose ugiye kurya cyangwa se ukazitogosa mu mazi ukanywa amazi yazo bikiza ububabare buturuka ku mihango.

4. Kurya Pome nyinshi mu gihe uribwa na zo zikugabanyiriza ububabare.

5. Ushobora kandi kurya shokora, cyane cyane zimwe ziba zijimye cyane kuko zagufasha ntiwongera kuribwa nkuko warumeze mbere.

6. Nanone iyo uribwa cyane burya kunywa amazi menshi bigabanya uburibwe,ukanywa nibura litiro 3 ku munsi kugeza imihango irangiye.

7. Icyayi kirimo tangawizi nyinshi n’ikawa nkeya nibura ukanywa itasi imwe nacyo kigabanya uburibwe.

8. Kurya amaronji cyangwa se umutobe wayo ariko w‘umimerere utari uwo mu nganda cyangwa ngo ube uvangiye n’ibindi bintu bigabanya uburibwe nkubwo twavuze.

Ngibyo ibiribwa by’ingenzi mu gihe cy’imihango ku muntu uribwa cyane mu bice bitandukanye by’umubiri,kandi si ngombwa ko ibi byose ubibonera rimwe ahubwo ushobora gukoresha bimwe mu byo ufite,kandi uburyo bumwe butakorohereje wagerageza n’ubundi.

Andika igitekerezo cyawe hano...