Iyo benshi bumvishe izina “Ndoli Jean Claude” bahita batekereza k’Umuzamu w’umunyabigwi mu Rwanda wakoze amateka akomeye muri Ruhago, ndetse agafasha amakipe anyuranye gutwara ibikombe bikomeye.

Ndoli Jean Claude yavutse tariki ya 7 Nzeli 1986, Ni mwene Sanzira Ferdinand na Mukabera Rose, akaba umwana wa Gatanu mu muryango w’abana umunani. Ndoli n’umugabo wubatse urugo, dore ko afite Umugore n’abana batatu.

Ndoli Jean Claude afite ibigwi bidasanzwe muri ruhago nyarwanda
Ndoli Jean Claude afite ibigwi bidasanzwe muri ruhago nyarwanda

Ndoli abarwa nk’umwe mu banyezamu b’abahanga bakoze ibikorwa by’indashyikirwa muri Ruhago nyarwanda, benshi bakaba baramumenyeye mu ikipe y’ igihugu Amavubi, Police FC, APR FC, Kiyovu Sport n’izindi.

Kuva kera, Jean Claude ngo yakundaga cyane Ruhago, nubwo bitari byoroshye kugira ngo abashe kugera kure, gusa ngo Imana yaramufashije abasha gutera intambwe ishimishije muri Ruhago.

Mu kiganiro aherutse kugirira kuri Radio Rwanda, Ndoli yavuze ibintu biteye amatsiko kuriwe, aho yagaragaje bamwe mu bantu b’icyitegererezo mu mboni ye, ndetse na bimwe mu byifuzo yahoranye kuva kera.

Ibiteye amatsiko kuri Ndoli Jean Claude warufite Inzozi zo kujya mu ndege
Ibiteye amatsiko kuri Ndoli Jean Claude warufite Inzozi zo kujya mu ndege

Ndoli agitangira gukina, ngo kubona ibikoresho byari ikibazo cy’ingutu

Ndoli yavuze ko agitangira kwinjira muri Ruhago, kubona ibikoresho byamugoraga cyane, rimwe na rimwe ngo yambaraga inkweto zidasa, cyangwa se akajya mu izamu yiyambariye Isengeri. Byaramugoye gusa ngo ntiyigeze acika intege.

Abantu ashimira bamufashije kugira ngo azamuke

Ndoli ashimangira ko kugira ngo atere imbere hari abantu bamwe na bamwe bagiye bamutera imbaraga, ndetse bakanamwereka uko azajya yitwara mu gihe cyose akeneye iterambere. Mubo ashimira bamufashije harimo uwitwa Theogene {Umutoza w’abazamu mu Magaju}, hamwe na Nyakwigedera Bonaventure{Gangi}.

Bwa mbere ahamagarwa mu ikipe y’igihugu yagize ngo agiye mu ijuru

Ndoli ngo bwa mbere yumva izina rye ku rutonde rw’abakinnyi b’ikipe y’igihugu yaguye mu kantu, agira ngo yumvishe ko agiye ku rutonde rw’abajya mu ijuru.

Imikino yamubabaje n’iya mushimishije

Umukino washimishije cyane Ndoli n’igihe ikipe y’igihugu “Amavubi” yari yakinnye n’ikipe yo mu barabu, maze bakabasha kuyitsinda ibitego 3-1, icyo gihe ngo Ndoli yanakuyemo Penariti, kandi ikirenze nuko na Nyakubahwa Perezida wa Repubulika y’u Rwanda, Paul Kagame nawe yari yaje kureba uwo mukino. Umukino wababaje Ndoli n’uwo Amavubi yahuyemo na Uganda muri Cecafa, agakuramo Penariti ebyiri, ariko bikaza kurangira batsinzwe, icyo gihe ngo yaranarize.

Ikosa yakoze atazibagirwa

Ndoli ngo yigeze kwitsinda igitego mu masegonda 33 ya mbere y’umukino, icyo gihe ngo ntawe yabishinja, kuko ngo byaturutse ku ikosa rye.

Ndoli yakuze yifuza kuzakandagiza ikirenge mu indege

Kuva mu buto bwe, Ndoli ngo yahoze asaba Imana kugira ngo izamufashe akandagize ikirenge mu ndege. Nyuma yo kugeramo ngo yatunguwe no gusanga abantu bari mu ndege bagenda barya.

Ibyo kurya no kunywa akunda cyane

Ndoli ngo yikundiro kurya Inyama(gusa ntago arya Aka Benz), Mubyo kunywa akunda kwinywera Mutzing.

Abazamu afana

Ndoli Jean Claude yatangaje ko yemera cyane umuzamu Buffon hamwe na Manuel Neuer.

Ba myugariro b’ibihe byose mu mboni ya Ndoli

Ndoli ashimangira ko abazamu bagiye bamufasha kugarira izamu neza harimo Mbuyu Twite na Nyakwigendera Ndikumana Hamad Katauti.

Mubo Ndoli atazibagirwa harimo na Nyakwigendera Katauti
Mubo Ndoli atazibagirwa harimo na Nyakwigendera Katauti

TANGA IGITEKEREZO KURI IYI NKURU