Kuwa Kabiri w’icyi Cyumweru turimo gusoza, umutoza w’ikipe y’igihugu y’abakinnyi baterura ibiremereye, Jean Paul Nsengiyumva, yatorokeye mu mikino ya Commonwealth nyumayo kubeshya bagenzi be bari kumwe mu mikino iri guhuza ibihugu bikoresha icyongereza (Commonwealth Games) muri Australia ko agiye mu bwiherero,ahita.

Umunyarwanda yatorokeye mu mikino ya Commonwealth

Uyu mutoza Jean Paul Nsengiyumva waburiwe irengero, yabanje yatoza imikino yo kuwa Kabiri, niko kubeshya abandi banywarwanda bari kumwe ko agiye mu bwiherero maze aratoroka, nkuko byatangajwe na Nzabaterura Eugene uhagarariye abanyarwanda bari muri iyi mikino.

Nzabaterura yagize ati “Yari kumwe n’umukinnyi muri stade ya Carrara bagiye mu marushanwa gusa irushanwa rigiye kurangira nibwo yavuze ko agiye mu bwiherero ntiyagaruka, nibwo nyuma twaje kumenya ko atakiri ku kibuga ndetse yasohotse mu nkambi.”

Nzabaterura yavuze ko bamaze kumenyesha polisi n’abayobozi b’inkambi irimo abakinnyi bitabiriye iyi mikino ku buryo bamubonye bamufata.

Kuva kandi iyi mikino ya Commonwealth yatangira, hamaze kubura abakinnyi 13 biganjemo abanya Cameroon.

Andika igitekerezo cyawe hano...