Abakinnyi b’ikipe ya Kirehe Volleyball Club barasaba abo bireba ngo babishyurize amafaranga yabo bataherewe igihe kingana n’umwaka wose.

Abakinnyi b'ikipe ya Kirehe VC bamaze umwaka badahembwa

Ikipe ya Kirehe Volleyball imaze gihe kinini ari umunyamuryango w’ishyirahamwe ry’umukino wa Volleball mu Rwanda mu kiciro cya mbere cy’amakipe ya Volleyball. Kirehe VC n’ikipe yagize uruhare mu kuzamura abakinnyi benshi barigukina cyangwa bakinnye muri Shampiyona ya Volleyball mu Rwanda, haba mu Bagabo no mu Bagore.

Muri iyi kipe ya Kirehe Vc hagiye havugwamo byinshi bijyanye n’amikoro make, bigeraho ikipe ifata icyemezo cyo kurekura bamwe mu batoza bayifashije kugera ku myanya myizi yagize no kugera mu kiciro cyambere.

Abakinnyi b'ikipe ya Kirehe VC bamaze umwaka badahembwa

N’ ikipe yagiye icamo bamwe mu batoza bakomeye hano mu Rwanda mu mukino wa Volleball, harimo Nyirmana Fideri urigutoza ikipe ya Gisagara Volleyball Club irigukina umukino wa nyuma wa Shampiyona ya Volleyball ya 2018, kandi uyu mutoza yatwaye igikombe cya Shampiyino cya 2017 akiri gutoza Gisagara Vc, Isibo Cassius watoje ikipe ya Kigali Volleyball Club (KVC) wanayikinira igihe kitari gito, ndetse n’abandi nkabo.

Ubu mu ikipe ya Kirehe Volleyball hari kuvugwamo ikibazo cy’umwenda ikipe ifiteye abakinnyi, iki kibazo kimaze igihe kitari gito, kuko abakinnyi bamaze umwaka badahembwa. Cyane ko hari n’abakinnyi batahawe amafaranga bumvikanye n’ikipe igihe bazaga kuyikinira.

Amakuru dukesha bamwe mu bakinnyi b’ikipe ya Kirehe VC batashatse ko dutangaza amazina yabo kubera impamvu z’umutekano wabo, ngo iyi kipe imaze igihe cy’umwaka idatanga amafaranga bumvikanye n’abakinnyi abatunga igomba kubaha.

Muntangiriro z’umwaka abakinnyi bose bari bafitiwe umwenda n’ikipe byabayengombwa ko bafa umwanzuro wo kudakinira ikipe batarahabwa amafaranga yabo ikipe ibarimo. Ubuyobozi bw’ikipe bumaze kumva icyemezo cy’abakinnyi, byabayengombwa ko bajya kuri Bank bazana amafranga, babishyura igice cy’umwenda babarimo ariko nti bawumaramo.

Abakinnyi b'ikipe ya Kirehe VC bamaze umwaka badahembwa

Kugeza ubu abakinnyi b’ikipe ya Kirehe VC bemeza ko iyi kipe itarongera kubaha andi mafaranga yabo babasigayemo, kandi bakemeza ko kuba ikipe itari kwitwara neza muri Shampiyona nkuko byari bisanzwe, ari ukubera kutitabwaho n’ubuyobozi bw’ikipe.

Ikifuzo cya bamwe mu bakinnyi b’ikipe ya Kirehe Volleyball club nuko bakishyurwa umwenda ikipe ibarimo mbere y’uko Shampiyona ya Volleyball mu Rwanda irangira, bitaribyo ngo ntibashobora kongera gukina undi mwaka utaha, wa 2019 batishyuwe umwenda ikipe ibafitiye.

IGITEKEREZO 1

TANGA IGITEKEREZO KURI IYI NKURU