Ikipe ya APR FC ikomeje kwitegura umukino uyihuza n’ikipe ya Amagaju FC mu mukino w’umunsi wa 24 wa shampiyona uba uyu munsi  kuwa mbere kuri sitade ya Kigali i Nyamirambo saa15H30.

APR FC igiye gukina na Amagaju idafite Mugiraneza Giggy uzabagwa ejo

Abakinnyi bose bakaba barakoze imyitozo ya nyuma ku munsi w’ejo hashize,  usibye kapiteni w’iyi kipe ya APR FC Mugiraneza Miggy urwaye, wagiye ku bagwa uyu munsi mu bitaro bikuru bya Gisirikare i Kanombe.

Usibye Miggi, ikipe ya APR FC irakina uyu mukino idafite umukinnyi Nshimiyina Amran ndetse na Kimenyi Yves bafite amakarita y’umuhondo atatu, abandi  ni abakinnyi bari mu ikipe y’igihugu y’abatarengeje imyaka 20 nka: Byiringiro Lague, Buregeya Prince, Songayingabo Shaffi na Nyirinkindi Saleh.

APR FC igiye gukina na Amagaju idafite Mugiraneza Migi wagiye kubagwa uyu munsi

Nyuma y’imyitozo yakozwe ejo umutoza Petrović yagize icyo atangaza  agira ati; “Ejo dufite umukino ukomeye cyane, n’ igihombo kuba tudafite kapiteni wacu ndetse n’abandi bakinnyi nka Amra ndetse na Kimenyi, ariko abakinnyi bose ba APR bari ku rwego rwiza, buri mukinnyi mufitiye ikizere, icyo nzi ku ikipe ya Amagaju n’uko ari ikipe nziza ndetse inafite n’umutoza mwiza watozaga Musanze muri make ni ikipe nziza twubaha natwe turayiteguye”.

TANGA IGITEKEREZO KURI IYI NKURU