Umuhanzikazi Teta Barbara wamamaye mu muziki ku izina rya Babo Babo yongeye gushimisha abakunzi be ashyira hanze indirimbo yitwa “My Baby Boo” yiganjemo ubutumwa bw’urukundo, buri umwe wese yakwifashisha ashaka kwigarurira umutima wuwo akunda.

Babo yakoranye indirimbo ya Urban Boyz bataratandukana
Babo yakoranye indirimbo ya Urban Boyz bataratandukana

Babo n’umwe mu bahanzi nyarwanda bo muri Diaspora bakunzwe cyane, benshi bakaba baramumenye mu ndirimbo nka Ich Liebe Dich yakoranye n’itsinda rya Urban Boyz, I want You Back, Urwagasabo, That’s my life, Friday yakoranye na Musaza we Charmant n’izindi nyinshi.

Babo yaherukaga gukorana indirimbo na Musaza we Charmant
Babo yaherukaga gukorana indirimbo na Musaza we Charmant

Ubusanzwe, Babo na musaza we Charmant baba mu gihugu cy’ubudage ndetse ninaho biga, abantu benshi baziko aba bana ari abadage gusa ku ruhande rwabo ngo baterwa ishema no kwitwa abanyarwanda cyane kurusha uko bakwitwa abadage.

Mu kwezi kwa Kanama 2017, Babo na Charmant baje I Kigali mu bikorwa binyuranye byiganjemo cyane ibya Muzika, Icyo gihe yabwiye umunyamakuru wa Touchrwanda ko hari indirimbo nyinshi afite ahishiye abanyarwanda.

Kuri ubu, Babo yisunze Producer Pastor P maze amukorera indirimbo yitwa My Baby Boo yiganjemo ubutumwa bw’urukundo, aho aba ashaka gushimangira urwo akunda umukunzi we.

Baby Boo ya Boo yiganjemo ubutumwa bw'urukundo
Baby Boo ya Boo yiganjemo ubutumwa bw’urukundo

KANDA HANO WUMVE MY BABY BOO BYA BABO

Leave a Reply