Nsabimana Emmanuel wamamaye nka Babou G  nyuma imvugo idasanzwe kandi isekeje yakoresheje ubwo yagiranaga ikiganiro na Yohani Mubatiza wa Radio na TV10 ubwo yari umukarani i Nyacyonga, kutagira ibyangombwa byatumye yisanga mu maboko ya polisi aho yatawe muri yombi na polisi ikorera mu karere ka Gatsibo.

Babou G kutagira ibyangombwa byatumye yisanga mu maboko ya polisi.

Babou G umusore yamamaye mu mwaka wa 2015 nyuma y’ imvugo yitiriwe zirimo Suna, Mikafone, Ibaze nawe, Salama wowe ndetse n’izindi, ku mugoroba wo ku wa Gatanu, tariki 11 Gicurasi 2018 nibwo yatawe muri yombi na Police ya Kabarore mu Karere ka Gatsibo kubera ubuzererezi ntabyangombwa afite, akaba akurikiranweho ubuzererezi.

Umuvugizi wa Polisi mu Ntara y’Uburasirazuba, CIP Théobard Kanamugire yabwiye Igihe dukesha iyi nkuru ko Nsabimana Emmanuel wamamaye nka Babou G yafashwe nta byangombwa afite.

CIP Théobard Kanamugire yagize ati: “Amakuru ahari ni uko ikibazo cye gikwiye kureberwa mu ishusho y’ubuzererezi gusa, nta kindi.”  Uyu musore wafatiwe mu Karere ka Gatsibo mu nzererezi adafite ibyangombwa yari yaturutse mu Murenge wa Nyakagarama wo mu Karere ka Kayonza.

Ubwo Babou G yamamaraga cyane muri Kanama 2015 ku bw’amagambo yakoresheje mu ikiganiro yagiranye n’umunyamakuru Yohani Umubatiza kuri TV10, amagambo yahise asakara hirya no hino ndetse agatangira no gukoreshwa na hafi ya buri rubyiruko, n’imyenda yanditseho amwe mu magambo ye igatangira kwambarwa.

Babou G kutagira ibyangombwa byatumye yisanga mu maboko ya polisi.

Ntibyatinze ariko abantu banyuranye batangira kubirwanya no kubyamagana cyane cyane abababazwaga n’uburyo yahise yamamara kandi nta kintu gitangaje yakoze.

TANGA IGITEKEREZO KURI IYI NKURU