Lionel Messi umwe mu bakinnyi bakomeye cyane yamaze gutangaza ko kujya muri Real Madrid kwa Neymar byari kuba amahirwe kuri yo kuko yari kuba ikomeye kurusha uko imeze ubu.

Messi yagize icyo atangaza ku biherutse kuvugwa kuri Neymar

Ibi Messi yabitangaje nyuma y’ibihuha byanyuze mu bitangazamakuru bitandukanye mu kwezi gushize bivuga ko Neymar ashobora kwerekeza muri Real Madrid cyangwa Manchester United aho yagize ati “Byari kuba ari ibitangaje kubera ko hari icyo Neymar avuze kuri Barcelone. Iyo aza kwisanga muri Real Madrid byari kuba ari ibintu bigoye kuri twe, Madrid yari kuba ikomeye cyane kurusha uko imeze”.

Messi yagize icyo atangaza ku biherutse kuvugwa kuri Neymar

Reuters itangaza ko Messi abajijwe niba yarabwiye Neymar kudatekereza kuri Madrid, yarasetse arangije ati “Azi icyo ntekereza, narabimubwiye”.Neymar yavuye muri Barcelona umwaka ushize muri Kanama, bigaragara ko afitanye umubano mwiza na Messi, yerekeza I Paris mu Bufaransa nk’umukinnyi uhenze kurusha abandi ku Isi wari ugiye kwerekeza muri Paris Saint Germain, ibintu benshi mu bafana batumvise kimwe.

Neymar Junior yatorewe kuba umukinnyi w’umwaka mu BufaransaMu minsi ishize nibwo hatangiye kuvugwa ko yaba agiye kuva muri PSG yerekeza I Madrid. Ibintu byatumye umuyobozi wa Paris Saint Germain atangaza ko Neymar azaba ari muri PSG ku kigero cya 2000% muri sezo itaha.

Neymar Junior yatorewe kuba umukinnyi w’umwaka mu Bufaransa

Nyuma y’igihembo aherutse guhabwa, Neymar yirinze guhakana cyangwa ngo yemeze ibyamuvuzweho, ahubwo avuga ko ari kwiyitaho kugira ngo yitegure igikombe cy’Isi kizaba mu kwezi gutaha mu gihugu cy’Uburusiya.

Leave a Reply