Cristiano Ronaldo yasubije abamugereranya na Mohamed Salah mbere yuko bahurira mu mukino wa nyuma y’igikombe cya Champions League uzaba mu mpera z’iki cyumweru, kuya 26 Gicurasi 2018.

Mohamed Salah n'umukinnyi ukomeje kwerekana imbaraga zidasanzwe
Mohamed Salah n’umukinnyi ukomeje kwerekana imbaraga zidasanzwe

Mohamed Salah ukinira Liverpool n’umwe mu bakinnyi batunguranye cyane muri Champions League, akora udushya dukomeye k’Uburyo benshi bahise batangira kumugereranya n’abandi bakinnyi b’ibikomerezwa, ndetse bamwe bakanashimangira ko hari benshi agiye kwicaza.

Kibamba wa Real Madrid {Cristiano Ronaldo} nawe ari mu bakinnyi bagereranywaga na M.Salah, gusa ku ruhande rwe ntibyamushimishije nkuko yabivuze mu kiganiro yagiranye n’ikinyamakuru cyitwa Metro.

Cristiano yagize ati “Njyewe na Salah turatandukanye cyane. Abantu bakunda kunjyereranya n’abandi bakinnyi, gusa njyewe ndihariye cyane.”

Kugeza magingo aya, Cristiano Ronaldo amaze gutsinda ibitego 15, akurikiwe na Roberto Firmino na Mohamed Salah batsinze ibitego 10, hakaza Sadio Mane watsinze ibitego 9, na Edin Dzeko ufite ibitego 8 .

Cristiano yavuze ko yihariye, nta mukinnyi numwe wapfa kumugereranya nawe
Cristiano yavuze ko yihariye, nta mukinnyi numwe wapfa kumugereranya nawe

TANGA IGITEKEREZO KURI IYI NKURU