Itsinda rya Urban Boyz kuri ubu rigizwe na Humble ndetse na Nizzo nyuma yo gushinga studio yabo ya Urban Record kuri ubu bakomeje kugenda bagura ibikorwa byabo by’ubucuruzi.

Nyuma yo gushinga Studio Urban Boyz irakataje mu bikorwa by'ubucuruzi

Urban Boyz nyuma yo gushinga inzu itunganya umuziki ya Urban Record ndetse bakanategura irushanwa rigamije guteza imbere impano z’abahanzi nyarwanda kuri ubu bakomeje kwagura ibikorwa byabo by’ubucuruzi aho bamaze no gushinga urubuga rwabo.

Nyuma yo gushinga Studio Urban Boyz irakataje mu bikorwa by'ubucuruzi
Iyi niyo Studio ya Urban Boyz yitwa Urban Record

Nkuko Humble yabitangarije Touchrwanda akaba yadutangarije ko kuri ubu Urban Boyz atari itsinda riririmba gusa ahubwo bagiye banafite ibikorwa byinshi bitandukanye birimo ibyo bamaze kugeza hanze ndetse n’ibindi bateganya kuzereka abanyarwanda mu minsi irimbere.

Urban Boyz yatangiye kwandika abahanzi bifuza kwitabira irushanwa ryayo

Humble akaba yakomeje atubwira ko kuri ubu bashyize hanze urubuga rwitwa Inside Rwanda gusa uru rubuga rukaba rutazajya ruvuga amakuru ajyanye n’ibikorwa bya Urban Boyz gusa ahubwo rukazaza rufasha abanyarwanda kumenya amakuru atandukanye hirya no hino kwisi ndetse nabazaza bifuza kwamamaza kuri uru rubuga amarembo azaba akinguye.

Nyuma yo gushinga Studio Urban Boyz irakataje mu bikorwa by'ubucuruzi

Mu gusoza ikiganiro twagiranye Humble akaba yamaze impungenge abafana b’itsinda rya Urban Boyz bibaza niba iri tsinda rigiye mu bintu by’ubucuruzi badashobora kureka umuziki akaba yatubwiye ko bitashoboka ko bareka umuziki ahubwo aribwo bagiye gushyiramo imbaraga nyinshi dore ko no muminsi mike abakunzi babo bashonje bahishiwe hari ibyo bari kubategurira.

Leave a Reply