Itsinda rya Urban Boyz riherutse gushinga Studio yabo yitwa “Urban Record.” kuri ubu ryatangiye kwandika abahanzi bifuza kwitabira irushanwa ryayo ryo gushakisha abahanzi b’abanyempano bazajya bafashwa na Urban Record Label.

Urban Boyz yatangiye kwandika abahanzi bifuza kwitabira irushanwa ryayo

Kuri uyu wa mbere taliki ya 14 Gicurasi 2018 nibwo Urban Boyz yatangije igikorwa cyo kwandika abahanzi bifuza kwitabira irushanwa ryo gushakisha abahanzi  bafite impano bagomba kuzaza bafashwa na studio ya Urban Record.

Urban Boyz yatangiye kwandika abahanzi bifuza kwitabira irushanwa ryayo
Holybeat niwe uri gukora muri Studio ya Urban Record

Iki gikorwa kiri kubera ku cyicaro cya Studio ya Urban Record iherereye i Nyamirambo hafi yamashuri ya Kivugiza  iki gikorwa kikaba giteganyijwe kuzasozwa tariki ya 30 Gicurasi 2018 aho uwifuza guhatana agomba kuba yujuje ibi bikurikira; Kuza yitwaje ibihumbi 20,000RWF, Kuba afite impano yo kuririmba, Kuba afite ibimuranga, kuba azi gusoma no kwandika ndetse no kuba ari umunyarwanda/kazi.

Itangazo rikangurira abahanzi bafite impano kwiyandikisha muri iri rushanwa

Kubazatsinda ibihembo bikaba biteganyijwe kuburyo bukurikira aho uwa mbere uzatsinda muri iri rushanwa, azabona amahirwe yo gukorana na Urban Record Label  mu gihe kingana n’umwaka wose, Uwa kabiri akorerwe indirimbo ebyiri, uwa Gatatu akorerwe indirimbo imwe muri Urban Record.

Leave a Reply