Umutoza Zahera Mzinyi w’ikipe Young Africans yo muri Tanzania afite ubwoba bwa Rayon Sports, aho yavuze ko Rayon Sports itari ikipe yo gusuzugurwa gusa ngo bakaba bazi imikinire yabo neza.

Zahera Mzinyi utoza Young Africans k'ubwoba bwinshi yagiriye Rayon Sports

Nyuma yuko uyu mutoza Zahera Mzinyi ukomoka muri Kongo Kinshasa atangaza aya magambo, yari yabanje kugaragaza ubwoba yagiriye iyi kipe ya Rayon Sports aho bamwe mu bakinnyi bayo bakihagera babanje kwigaragaza neza maze bituma Zahera agira ubwoba.

Zahera Mzinyi utoza Young Africans k'ubwoba bwinshi yagiriye Rayon Sports
Rayon Sport Yagezeyo muri Tanzania

Zahera Mzinyi yavuze ko hari imikino imwe n’imwe ya Rayon Sports yarebye akayibonana ubusatirizi bukomeye.

Ati: “Rayon Sports ni ikipe ifite abakinnyi beza, bihuta kandi bakinana ubwenge bashobora gufata umwanzura mu kibuga, nyuma yo kureba umukino bakinnye na Gor Mahia ndetse n’indi ibiri ya Shampiyona bakinnye twasanze atari ikipe yo gusuzugura.”

Yongeyeho ati: “Rayon Sports si ikipe yo gusuzugura, twe nka Young dufite imikinire yacu ariko ubwo twamaze kumenya uko ikina birahagije.”

Young Africans yitegura gukina na Rayon Sports, ejo hashize ntabwo yakoze imyitozo kubera ikibazo cy’imvura yaguye ari nyinshi.

Rayon Sports kandi ikaba iraza guhaguruka I Kigali saa tanu z’ijoro ryo kuri uyu wa mbere, ikaba irajyana abakinnyi 18 batarimo Usengimana Faustin wahagaritswe na CAF umukino umwe.

Leave a Reply