Producer Meddy Saleh usanzwe amenyerewe mu gutunganya amashusho y’abahanzi bakomeye mu Rwanda no hanze yarwo yamaze gutangaza ko yakuye ake karenge muri uyu mwuga, ndetse aboneraho no kwihanganisha abahanzi bose bagiranye ibibazo.

Uyu mwanzuro uwafashe nyuma yuko hari abahanzi benshi bari bakomeje kumushinja gutindana ibihangani byabo, muri abo twavuga nka Spaxx wari wananiwe kwihangana, Mani Martin uvuga ko indirimbo yakoranye na Eddy Kenzo atarayihabwa, n’abandi benshi.

Mu butumwa burebure uyu mugabo wabyaranye na Shaddy Boo yanditse ku rukuta rwe rwa Instagram, yashimangiye ko yafashe umwanzuro wo guhagarika Burundu Kompani ye ya “Press It Film” kuko ngo ntizongera gukora amashusho, ndetse aboneraho no gusaba imbabazi abahanzi baba baragiranye ikibazo.

Meddy Saleh yatanagje ko yahagaritse burundu ibyo gutunganya umuziki
Meddy Saleh yatangaje ko yahagaritse burundu ibyo gutunganya umuziki

Meddy Saleh yagize ati “Muraho nshuti, nagira ngo mbashimire kubw’ubufasha mwanyeretse mu gihe cyose twakorane, Aka kanya nshaka kubamenyesha ko “Press It Film” itazongera gukora amashusho y’indirimbo ukundi, ndetse abo yagiranye ikibazo nabo bose mboneyeho kubasaba imbabazi mbikuye mu ndiba y’umutima.

Rimwe rimwe hari igihe ibintu biba, gusa turi aba mbere mu kumenya uko tubyitwaramo, ntago ari ikosa na Kompanyi, ahubwo n’umwanzuro wo guhagarika aka kazi kuko buri kimwe kigira iherezo.

Indirimbo zose zafashwe amashusho mbere y’uyu mwanzuro, zirahabwa ba nyirazo bitarenze uku kwezi. Ntago byari byoroshye gufata uyu mwanzuro, gusa hari ibintu bibaho umuntu utabasha gukemura.

Ndihanganisha abahanzi bose twaba twaragiranye ikibazo. Ndizera ko hanze aha hari abana bato bafite impano mu gutunganya amashusho kandi namwe murabazi. Murakoze cyane.”

Meddy Saleh niwe wakoze indirimbo zirimo nka Thank You ya The Ben na Tom Close, indirimbo za Buravan na Active, Iza Butera Knowless, Marina ft Harmonize, Meddy ft Uncle Austin n’izindi nyinshi.

Uyu mugabo wabyaranye na Shaddy Boo yakoze indirimbo zakunzwe mu Rwanda
Uyu mugabo wabyaranye na Shaddy Boo yakoze indirimbo zakunzwe mu Rwanda

Leave a Reply