Akiwacu Colombe wabaye Nyampinga w’u Rwanda mu mwaka wa 2014 yarakajwe bikomeye n’umufana wamwandikiye amubaza igitsina cye bitewe n’imyifotoreze y’uyu mwari.

Colombe w’imyaka 23 ni Nyampinga b’uburanga buhebuje, ufite igikundiro gikomeye ku mbuga nkoranyambaga. Rimwe na Rimwe akunze kuvugisha benshi bitewe n’amafoto n’amashusho akunda gushyira hanze.

Tariki ya 24 Nzeri 2015 nibwo Miss Akiwacu Colombe yahagurutse i Kigali yerekeza mu Mujyi wa Paris mu Bufaransa muri gahunda zo gukomeza amasomo ya kaminuza muri Institut Supérieur du Commerce de Paris aho yiga mu ishami rya Commerce de Luxe.

Miss Colombe yaraye ashyize ifoto ku rukuta rwe rwa Instagram yambaye Ipantalo n’umupira wo kwifubika by’umweru, maze umufana we ahita yandika igiterezo amubaza niba Ari umukobwa cyangwa Umuhungu.

Uyu mufana yagize ati “Uri umuhungu cyangwa uri umukobwa,” Colombe nawe ahita amusubiza vuba na bwangu ati “Ndi umwe muri abo.”

Nyuma y’ibi bitekerezo, Miss Colombe yahise akora Screenshot maze ayishyira kuri Status ye iherekejwe n’amagambo akurikira “Ibitekerezo nk’ibi birampindura cyane, bigatuma nibaza uwanzuye akavuga ko Umuhungu ari umuhungu, n’umukobwa ari umukobwa.”

Umufana yabajije Miss Colombe ati 'Uri umuhungu cg uri umukobwa'
Umufana yabajije Miss Colombe ati ‘Uri umuhungu cg uri umukobwa’
Colombe yahise agaragaza ko ibitekerezo nkibi bimutera guhinduka muri we
Colombe yahise agaragaza ko ibitekerezo nkibi bimutera guhinduka muri we

INSHAMAKE K’UBUZIMA BWA MISS COLOMBE AKIWACU

Akiwacu Colombe ni mwene Gatali Vital na Mukankusi Immaculee. Yavutse taliki ya 31 Ukwakira 1994, avukira mu mujyi wa Kigali, Amashuri abanza yayize mu ishuri rya St Joseph ku Kicukiro aza kuyasoreza mu kigo cya APAPER na ryo riherereye mu karere ka Kicukiro, na ho amashuri yisumbuye icyiciro rusange yize mu Byimana, icyiciro cya kabiri cy’ayisumbuye yakize muri Stella Matutina riri i Shyorongi mu Karere ka Rulindo mu ntara y’Amajyaruguru.

KANDA HANO UREBE INDI MPANO YIHARIYE COLOMBE AFITE

TANGA IGITEKEREZO KURI IYI NKURU