Ikipe ya Real Madrid yari imaze iminsi abantu bibaza igihe izatangariza umutoza mushya wo gusimbura Zinedine Zidane wasezeye mu minsi yashize, kuri ubu yamaze gutangaza ko umunya Espagne Julen Lopetegui utoza ikipe y’igihugu, ariwe uzasimbura Zinedine Zidane igikombe cy’isi nikirangira.

Real Madrid yamaze kubona umutoza mushya

Julen Lopetegui w’imyaka 51 y’amavuko, watozaga ikipe y’Igihugu ya Espagne aho yayigiyemo avuye muri FC Porto yo muri Portugal, Niwe wahawe akazi ko gusimbura Zinedine Zidane wari umaze guhesha Real Madrid ibikombe 3 bya UEFA Champions League byikurikiranya.

Lopetegui wasinye amasezerano y’imyaka 3, azatangira akazi nyuma y’igikombe cy’isi aho benshi bemeza ko agiye guhura n’akazi katoroshye ko kugumana Cristiano Ronaldo na Gareth Bale, byagaragaye ko barangije umwaka w’imikino ushize batishimye.

Lopetegui wkinnye ruhago ari umunyezamu, ahawe akazi ko gutoza Real Madrid nyuma yo gutoza amakipe atandukanye nka FC Porto, Rayo Vallecano na Real Madrid B ndetse n’ikipe ya Espagne yafashe mu myaka 2 ishize.

Real Madrid yamaze kubona umutoza mushya

Lopetegui aje gusimbura Zidane wasezeye muri Real Madrid atwaye ibikombe 9 mu myaka 2 n’igice yari ayimazemo. Nubwo yongereye amasezerano mu ikipe y’igihugu ya Espagne muri Gicurasi uyu mwaka, amasezerano yagombaga kumugeza muri 2020, yanze kwitesha  ifaranga rya Real Madrid ahitamo gusesa ayo masezerano.

Kuba Julen Lopetegui ariwe uzasimbura Zidane nyuma y’Igikombe cy’Isi, Real Madrid ibitangaje habura amasaha 48 ngo igikombe cy’isi gitangire, aho bamwe banenze iri tangazo bavuga ko rishobora guca intege abakinnyi ba Espagne.

Leave a Reply