Uburusiya bufunguye imikino y’igikombe cy’isi 2018 kiri kuba ku nshuro ya 21, bukina na Saudi Arabia mu mukino wabereye kuri stade Luzhniki yo mu mujyi wa Moscow, buyinyagira bitagoranye ibitego 5-0 

Uburusiya bufunguye imikino y'igikombe cy’isi 2018 bunyagira Saudi Arabia

Mu mukino umusore witwa Aleksandr Golovin w’Uburusiya yigaragajemo cyane,Uburusiya bworohewe cyane ndetse bunyagira aba barabu basanzwe ari abana mu mupira w’amaguru ku isi.

Uburusiya bwafunguye amazamu ku munota wa 12 ku gitego cy’umutwe cyatsinzwe na Yury Gazinskiy ku mupira mwiza yahawe na kabuhariwe Golovin wifuzwa n’amakipe menshi arimo Arsenal na Manchester United.

Ku munota wa 43 abakinnyi ba Saudi Arabia batakaje umupira mu kibuga cyabo wifatirwa na Golovin wabazonze cyane awutanga kuri mugenzi we witwa Zobnin nawe utihariye awuhereza Dennis Cherchev winjiye mu kibuga asimbuye Dzagoev wagize ikibazo cy’imvune acenga ba myugariro ba Saudi ashyiramo igitego cya kabiri bajya kuruhuka ari ibitego 2-0.

Mu gice cya kabiri Saudi Arabia yaje ari insina ngufi barayicenga karahava, nibwo ku munota wa 71 Artem Dzyuba winjiye mu kibuga asimbuye yahise ashyiramo igitego cya 3 amaze umunota umwe yinjiye mu kibuga ku mupira mwiza yahawe ku mutwe na Golovin wigaragaje cyane.

Dennis Cherchev wanyuze mu ikipe ya Real Madrid yongeye kweeka isi yose ko kugirirwa icyizere n’iyi kipe y’ubukombe muri Espagne bidapfa kwizana, atsinda igitego cya kane ku mupira mwiza yapimye uburebure umunyezamu wa Saudi Arabia,bikarangira atawukuyemo.

Mu minota y’inyongera nibwo Aleksandr Golovin washatse kwereka amakipe y’I Burayi ko ari gutinda kumukura muri CSKA Moscow akinira ubu,yashyizemo igitego cya 5 kuri coup Franc yateye neza cyane, bityo Uburusiya bufunguye imikino y’igikombe cy’isi 2018 bunyagira Saudi Arabia ibitego 5-0.

Uburusiya buraye buyoboye itsinda aho bugomba gutegereza umukino uzaba ku munsi w’ejo hagati ya Uruguay ya Suarez na Cavani izahura na Misiri ya Mohamed Salah ari nako mu itsinda B maroc izahura na Iran, ku I saa kumi n’imwe zuzuye hasoze umukino ukomeye uzahuza Portugal na Espagne.

Uburusiya bufunguye imikino y'igikombe cy’isi 2018 bunyagira Saudi Arabia

Uburusiya bufunguye imikino y'igikombe cy’isi 2018 bunyagira Saudi Arabia

Uburusiya bufunguye imikino y'igikombe cy’isi 2018 bunyagira Saudi Arabia

Uburusiya bufunguye imikino y'igikombe cy’isi 2018 bunyagira Saudi Arabia

Uburusiya bufunguye imikino y'igikombe cy’isi 2018 bunyagira Saudi Arabia

Uburusiya bufunguye imikino y'igikombe cy’isi 2018 bunyagira Saudi Arabia

Uburusiya bufunguye imikino y'igikombe cy’isi 2018 bunyagira Saudi Arabia

Uburusiya bufunguye imikino y'igikombe cy’isi 2018 bunyagira Saudi Arabia

TANGA IGITEKEREZO KURI IYI NKURU