Lion Manzi, umwe mu bamaze kuba inararibonye mu gukemura impaka mu irushanwa rya PGGSS { Judges } yagize icyo avuga ku bahanzi barimo kugura abafana ku bwinshi bagamije kwiyerekana kugira ngo bazegukane imyanya ihambaye.

Lion Manzi, Tonzi na Aimable Twahirwa nibo bagize akanama nkemurampaka
Lion Manzi, Tonzi na Aimable Twahirwa nibo bagize akanama nkemurampaka

Irushanwa rya PGGSS8 rigeze mu hagati, dore ko abahanzi bamaze gutaramira mu turere turimo Gicumbi na Musanze, ndetse iyo batataramye bajya gukora ibitaramo byo kwiyereka abakunzi babo bari hirya no hino {Mini Roadshow}.

Lion Manzi nk’umwe mu bamaze kugira inararibonye ryihariye mu gutanga amajwi y’abahanzi bahatanye muri Guma Guma yagize icyo avuga ku gikorwa cyo kugura abafana gikunze kugarukwaho na benshi mu bakunzi b’umuziki.

Lion Manzi yashimangiye biriya ntacyo biba bivuze mu mboni y’aba Judges kubera ko ngo hari byinshi bagenderaho iyo barimo gutanga amanota, ngo biriya ntago ari ibintu bishobora kugira icyo bihindura.

Aha yagize ati “Abafana bishyuwe bagaragarira ijisho, tubaye dushukwa n’abafana twaba twarahaye igikombe abatagikwiye. Ntago ari ubwambere biriya bibayeho gusa dufite inararibonye rihagije k’uburyo ntacyo bizaduhungabanyaho.”

Aba bombi bafite inararibonye mu gukemura impaka muri Guma Guma
Aba bombi bafite inararibonye mu gukemura impaka muri Guma Guma

Iri rushanwa rimaze imyaka irindwi ribera mu Rwanda kuva mu 2011. Bwa mbere ryatwawe na Tom Close, King James (2012), Riderman (2013), Jay Polly (2014), Knowless (2015), Urban Boyz(2016) ndetse na Dream Boyz iheruka kuritwara mu 2017.

Muri uyu mwaka, iri rushanwa rihatanyemo abahanzi bakurikira: Khalfan, Jay C, Bruce Melody, Christopher, Uncle Austin, Mico The Best, Active, Just Family, Queen Cha na Young Grace.

Igitaramo cya gatatu kizabera mu karere ka Huye ku wa 16 Kamena 2018, hanyuma bajye i Rubavu ku wa 30 Kamena, basoreze i Kigali ku wa 14 Nyakanga 2018 ari nabwo hazatorwa umuhanzi wegukana irushanwa.

Andi makuru yihariye n’amafoto ajyanye n’ibitaramo bya Primus Guma Guma Super Star 8 muzakomeza kubikurikirana kuri www.touchrwanda.com ntakabuza.

REBA UKO IBITARAMO BYAGENZE

GICUMBI

MUSANZE

TANGA IGITEKEREZO KURI IYI NKURU