Umuherwekazi Zari Hassan umaze kumenyekana cyane nka Boss Lady  mu minsi ishize  nibwo yagize atya agasubiza abamukurikira ku mbuga ze nkoranyambaga ku kibazo bibaza cyuko yaba yasubiranye na Diamond Platnumz babyaranye abana babiri umuhungu n’umukobwa .

Zari yamaze amatsiko abibazaga ko yasubiranye na Diamond umaze iminsi muri Afurika y'Epfo

Zari nyuma yo kubona ibitekerezo byinshi  bimubaza niba koko yaba agiye gusubirana n’uwahoze ari umugabo we Diamond we yasubije ko bajya gutandukana basezeranye ko  bagomba gukomeza kwita ku bana babo bakabaha urukundo rwiza rwa Kibyeyi.

Yagize ati: “Mu kuri ntabwo turasubirana hamwe ariko twumvikanye ubufatanye no gukomeza kubera abana bacu ababyeyi b’igikundiro.”

Ibi byavuzwe cyane nyuma yaho Diamond Platnumz yagaragaye cyane mu gihugu cya Afurika y’Epfo aho yari yagiye gusura abana be mu rugo kwa Zari bituma abantu benshi bibaza ko yaba yagiye gusaba imbabazi ngo asubirane na Zari nk’umugabo n’umugore .

Leave a Reply