Umuraperi Hakizimana Aman wamamaye mu muziki ku izina rya Amag The Black yaba atagicana uwaka na Bruce Melody uherutse kwegukana igikombe cy’irushanwa rya Primus Guma Guma Super Star 8.

Mu mpera z’icyumweru dusoje, nibwo Itahiwacu Bruce yegukanye Miliyoni 20 z’igikombe cya PGGSS8, Akurikirwa na Christopher wegukanye Miliyoni 19 n’igice, Itsinda rya Active baza ku mwanya wa 3.

Bruce Melody aherutse kwegukana PGGSS8
Bruce Melody aherutse kwegukana PGGSS8

Nyuma y’iri rushanwa, Amag The Black usanzwe uzwi nk’inshuti magara ya Bruce Melody, yagaragaje ko ashyigikiye Christopher bikomeye ndetse amurata amashimwe, ntiyagira ubutumwa agenera Melody babyirukanye.

Yifashishije urukuta rwe rwa Instagram, Amag yarase amashimwe  Christopher kubw’umwanya wa kabiri avanye mu irushanwa. Aho yagize ati “Felicitation bro komeza utere imbere kandi ibyiza biri imbere @tophermuneza.”

Ubutumwa Amag yageneye Christopher
Ubutumwa Amag yageneye Christopher

Christopher nawe yahise amusubiza ati “Urakoze cyane muvandimwe, Sinari kubasha gutsindira Miliyoni 15 ntafite ubufasha bwawe.”

Ibi byagaragaje ko Amag na Bruce Melody bashobora kuba batagicana uwaka, kuko ubusanzwe iyo umwe yateraga intambwe ikomeye, undi yazaga muba mbere mu kumwifuriza amahirwe.

Amag The Black ntagicana uwaka na Melody bakuranye
Amag The Black ntagicana uwaka na Melody bakuranye

TANGA IGITEKEREZO KURI IYI NKURU