Umukinnyi ukomeye ku Isi, Cristiano Ronaldo agiye kwerekeza mu ikipe ya Juventus yo mu butaliyani, nyuma yo kumara imyaka 9 mu ikipe ya Real Madrid yo mu gihugu cya Espagne.

Uyu mugabo w’imyaka 33 agiye kwerekeza muri Juventus aguzwe miliyoni 88 z’amapawundi cyangwa miliyoni 105 z’amayero. Ibiganiro hagati ye n’ubuyobozi bw’ikipe ya Juve bigeze kure, ndetse yamaze no gusezerera ku bafana ba Real.

None kuwa 2, Umuyobozi mukuru w’ikipe ya Juventus, Andrea Agnelli yabonanye na Cristiano aho bahuriye kuri hoteli imwe iherereye mu gihugu cy’Ubu Greece. Ibiganiro byaba bombi ngo byemeje ko Cristiano agiye kujya ahembwa ibihumbi £500,000 by’amayero ku cyumweru.

Mu ibaruwa ifunguye yandikiye abakunzi n’abayobozi ba Real Madrid, Cristiano yashimiye muri buri umwe wamufashije mu rugendo rwe mu ikipe ya Real, maze atangaza ko igihe nyacyo cyo guhindura ikipe cyari kigeze.

Yagize ati “ Iriya myaka yose mu ikipe ya Real Madrid no mu mujyi wa Madrid byari ibyishimo byihariye mu buzima bwanjye. Ndashimira mwese kubw’urukundo n’amarangamutima mwangaragarije. Hala Madrid! ”

Ku mugoroba wo kuri uyu wa kabiri, Ubuyobozi bwa Real Madrid nabwo bwashimangiye  ibyo kugenda kwa Ronaldo, aho bavuze ko ibiganiro byose bisa nkaho byarangiye.

Ikipe ya Juventus nayo yamaze gushimangira ko baguze Cristiano
Ikipe ya Juventus nayo yamaze gushimangira ko baguze Cristiano
Ronaldo agiye gukina muri Juventus, aho yaguzwe miliyoni 88 z'amayero
Ronaldo agiye gukina muri Juventus, aho yaguzwe miliyoni 88 z’amayero

TANGA IGITEKEREZO KURI IYI NKURU