Umuhanzi uri mu bakunzwe cyane mu Rwanda, DJ Pius agiye gukora igitaramo gikomeye cyo kumurika Album ye yise ‘Iwacu’ aho azafatanya n’ibikomerezwa mu muziki wo mu Rwanda, Uganda no mu Burundi.

N’igitaramo kizaba iminsi ibiri, cyikabera mu turere tubiri. Kuya 03 Kanama 2018 abahanzi bose bazataramira mu mujyi wa Kigali mu mahema ya Camp Kigali mu buryo bwa Full Live, hanyuma bukeye bwaho kuya 04 Kanama 2018 berekeze mu karere ka Musanze kuri Sitade y’aka karere, aho abahanzi bazaririmba mu buryo bwa Semi Live.

Abahanzi mpuzahamanga barimo Umunyabigwi Jose Chameleon, Weasel wo muri Goodlyfe, Pallaso ndetse n’umuhanzi wo mu Burundi ‘Big Fizzo’ nibo batumiwe mu gitaramo cyo kumurika ‘Iwacu Album.’

DJ Pius aherutse gukora igitaramo cyo kumvisha abantu indirimbo ziri kuri Album ye
DJ Pius aherutse gukora igitaramo cyo kumvisha abantu indirimbo ziri kuri Album ye

Uretse abo bavuzwe haruguru, muri iki gitaramo hazaririmbamo abahanzi bafite izina rikomeye mu muziki w’u Rwanda nka Riderman, Urban Boyz, Dream Boyz, Charly na Nina, Social Mulla ndetse n’umunyempano Bruce Melody.

Rwema Denis usanzwe ari Manager wa Kiwundo ari nayo irimo gufasha DJ Pius mu bijyanye no gutegura iki gitaramo yabwiye umunyamakuru wa Touchrwanda ko uretse abahanzi bavuzwe haruguru, hari n’abandi benshi baziyongeramo mu gufatanya na Pius.

Yagize ati “Uretse abahanzi bagaragajwe haruguru, hari n’abandi benshi bazadufasha muri iyi Launch. Abahanzi baturutse hanze y’u Rwanda turimo guteganya ko bazaza mbere y’iminsi itatu kugira ngo babanze bakore imyitozo.”

Ibiciro byo kwinjira muri iki gitaramo biteye bitya:

KIGALI (03/08/2018) CAMP KIGALI: Kwinjira bizaba ari ibihumbi 5000 ahasanzwe, 10000 muri VIP ndetse n’ibihumbi 150,000 ku meza y’abantu 8.

MUSANZE (04/08/2018) MUSANZE STADIUM: Kwinjira bizaba ari igihumbi ahasanzwe, ndetse n’ibihumbi 5000 muri VIP.

Big Farious, Jose Chameleon, Pallaso na Weasal bategerejwe mu gitaramo cyo kumurika Album ya DJ Pius
Big Farious, Jose Chameleon, Pallaso na Weasal bategerejwe mu gitaramo cyo kumurika Album ya DJ Pius
Charly na Nina
Charly na Nina
Dream Boyz
Dream Boyz
Bruce Melody
Bruce Melody
Riderman
Riderman
Social Mulla
Social Mulla
Urban Boyz
Urban Boyz

Leave a Reply