Umuhanzi Nizzo ubarizwa mu itsinda rya Urban Boys avuga ko umunsi bazahurira mu gitaramo kimwe na Safi bahoze bakorana byazaba byiza bahuriye ku rubyiniro bakaririmbana indirimbo bakoranye bataratandukana.

Nizzo Kabossi ngo yigeze kwiba igiceri cy'ijana(100) maze Mama we aramukubita abyimba urutoki

Umwaka ugiye gushira Safi Madiba atangiye gukora umuziki ku giti cye, nyuma y’imyaka 10 yari amaranye n’itsinda rya Urban Boys.

Kuva ubwo batandukanaga Safi afashijwe yagiye akora indirimbo nyinshi kandi zakunzwe. Urban Boys nabo ni uko kugera kuri ubu bafite Ntakibazo iri guca ibintu.

Mu minsi ya mbere bagitandukana impande zombi zabaye nk’izisubika ibitaramo ku mpamvu zitandukanye. Humble Jizzo wari usigaranye na Nizzo yagiye muri Amerika amarayo amezi atatu, Safi we yari akiri kwiyubaka.

Kuri ubu bose basubukuye ibitaramo, bagenda babikorera mu tubari dutandukanye two mu Mujyi wa Kigali no hanze yawo.  Nta gitaramo kinini kiraba ngo gihuriremo aba basore bose, Nizzo akaba yakwishimabahuriye mu gitaramo bakaririmbana.

Nkuko yabitangarije igitangazamakuru cya hano mu Rwanda mu kiganiro cyagiranye na Nizzo yavuze ko mu gihe baba bahuriye mu gitaramo na Safi bose baje kuririmba byaba ari byiza nawe aje bagafatanya kuririmba indirimbo bakoranye bataratandukana kuko byashimisha cyane abakunzi babo.

Yagize ati “nimba duhuriye mu gitaramo akumva hagiyemo indirimbo z’iwe yari asanzwe aririmbamo tukiri batatu, ntekereza ko nawe byamutera ishema kuba ashimishije abantu kandi n’abo bafana ntekereza ko bakwishima ku rwego rurenze. Byaterwa n’uko abitekereza ariko kuri twebwe nta kibazo.”

Kuva Safi yava muri Urban Boys umubano we n’abo yasize warahagaze burundu kuko nta n’umwe ukivugisha undi no mu buzima busanzwe.

Urban Boys bo bavuga ko nta kibazo kinini bafitanye na Safi ku buryo n’iyo yashaka kugaruka mu itsinda bamwemerera.

TANGA IGITEKEREZO KURI IYI NKURU