Umunyamakuru Rugimbana Theogene yageneye ubutumwa Rutamu Elie Joe bakoranaga kuri Radio 1 wamaze gusezera burundu muri aka kazi, akerekeza hanze y’igihugu.

Ubwo mu burusiya haberaga imikino y’igikombe cy’Isi, Rutamu Elie Joe yari umufana ukomeye w’ikipe ya Argentine ndetse yanatangaje ko iyi kipe ninanirwa kwegukana igikombe cy’Isi azahita asezera itangazamakuru.

Benshi babifashe nk’imikino bakajya bavuga ko yashakaga gutebya, abandi baramwinginga cyane ngo areke gusezera, gusa byarangiye uyu munyagikundiro ahagaritse itangazamakuru burundu, aho bivugwa ko yagiye muri USA kwiga ibyerekeye gushakira isoko abakinnyi ku ruhando mpuzamahanga akabyiga nk’ushaka kubikora by’umwuga.

Rutamu Elie Joe yaretse itangazamakuru, yerekeza muri USA
Rutamu Elie Joe yaretse itangazamakuru, yerekeza muri USA

Rugimbana Theogene bakoranaga umunsi k’umunsi kuri Radio 1 yagize ubutumwa amugenera, aho yashimangiye ko igihe cyose kizamukumbura ndetse aboneraho no kumwifuriza amahirwe mu rugendo rushya atangiye.

Yagize ati “Nkwifurije ibyiza mu rugendo rushya watangiye, Igihugu cyose kizagukumbura, Nanjye nzakora ibishoboka nsigasire imirimo n’ibikorwa waruzwiho, Warakoze kubwa burikimwe muvandimwe Rutamu Elie Joe.

Ubutumwa Rugimbana yageneye Rutamu
Ubutumwa Rugimbana yageneye Rutamu
Aba bombi bari barigaruriye imitima y'abatagira ingano
Aba bombi bari barigaruriye imitima y’abatagira ingano

TANGA IGITEKEREZO KURI IYI NKURU