Umuhanzi akaba n’umudepite mu Nteko Ishinga Amategeko ya Uganda, Bobi Wine yafatanye mu mashati na Polisi y’igihugu, ni nyuma yuko ateguye imyigaragambyo yari igamije kurwanya imisoro isigaye yishyuzwa abakoresha imbuga nkoranyambaga muri iki gihugu.

Uyu musoro mushya watangiye gutangwa ku itariki ya 1 Nyakanga 2018 ku bakoresha imbuga nkoranyambaga zirimo Facebook, WhatsApp, LinkedIn, Instagram, Viber, Skype n’izindi ndetse no kubohererezanya amafaranga binyuze kuri Telefoni ngendanwa.

Bobi Wine usanzwe udahuza na Perezida Museveni ku ngingo hafi ya zose za Politike ye, yongeye gutegura imyigaragambyo igamije gukuraho burundu iri tegeko ryo gusoresha abantu.

Yari imirwano itoroshye hagati y’abashinzwe umutekano n’abayoboke ba Bobi Wine. Ibikoresho birimo Ndembo, Tear Gas biri mu byakoreshejwe kugira ngo hamukirwe iyi myigaragambyo, nuko byabaye iby’ubusa.

Mu butumwa yanditse kuri Instagram ye, Bobi Wine yashimiye byimazeyo abayoboke be bamufashije muri iki gikorwa, maze abwira abo muri Leta zo we n’abayoboke be badateze guterwa ubwoba n’ibikoresho ibyo ari byo byose abashinzwe umutekano bazifashisha.

UGANDA: Bobi Wine yafatanye mu mashati n’aba Polisi UGANDA: Bobi Wine yafatanye mu mashati n’aba Polisi UGANDA: Bobi Wine yafatanye mu mashati n’aba Polisi UGANDA: Bobi Wine yafatanye mu mashati n’aba Polisi UGANDA: Bobi Wine yafatanye mu mashati n’aba Polisi UGANDA: Bobi Wine yafatanye mu mashati n’aba Polisi UGANDA: Bobi Wine yafatanye mu mashati n’aba Polisi

Leave a Reply