Umuhanzikazi Cardi B ukora injyana ya Hip Hop, yifotoje yambaye ubusa buri buri, mu gihe abura iminsi ibarirwa ku ntoki kugira ngo yibaruke umwana we w’imfura.

Cardi B ubusanzwe witwa Belcalis Almanzar ni umwe mu bahanzikazi baje nkiya Gatera mu muziki, ahita atera imbere mu buryo budasanzwe abifashijwemo n’indirimbo ze nka Bodac Yellow, Bartier Cardi, MotorSport n’izindi nyinshi.

Cardi B w'imyaka 25 akundana n'umuraperi Offset uririmba muri Migos
Cardi B w’imyaka 25 akundana n’umuraperi Offset uririmba muri Migos

Uyu mwari w’imyaka 25 witegura kwibaruka umwana w’umukobwa aherutse gukorerwa ibirori bya Baby Shower ari kumwe n’umukunzi we Offset, bikaba byari byitabiriwe n’abakobwa benshi b’inshuti ze aho bamugeneye impano zinyuranye zizamufasha amaze kwibaruka.

Ku mugoroba wo kuri uyu Gatatu Tariki ya 11 Nyakanga 2018, Cardi B yifashishije urukuta rwe rukurikirwa n’abarenga miliyoni 27 maze ashyira hanze ifoto yambaye ubusa buri buri, agaragaza ko akuriwe cyane.

Iyi foto yaherekejwe n’amazima ndetse n’ama Tariki { Kulture Kiari Cephus 07/10/18} agaragaza ko umwana we ashobora kuba yamaze kuvuka. Benshi mu bakunzi be bahise bamurata amashimwe (Congratulation)  atagira ingano.

Cardi B ashobora kuba yamaze kwibaruka imfura
Cardi B ashobora kuba yamaze kwibaruka imfura

TANGA IGITEKEREZO KURI IYI NKURU