Umutoza mukuru w’ikipe ya Young Africans yo muri Tanzania, ukomoka muri Repubulika iharanira Demokarasi ya Congo witwa Mwinyi Zahera, yatangaje ko bifuza umukinnyi w’Umunyarwanda Michel Rusheshangoga.

Umukinnyi Rusheshangoga ari mu bakinnyi bifuzwa na Young Africans

Uyu mukinnyi Rusheshango Michel ngo niwe mukinnyi wa mbere uri ku rutonde rw’abakinnyi bifuzwa muri iyi ikipe ya Young Africans umwaka utaha w’imikino.

Uyu mukinnyi Rusheshangoga wakiniraga ikipe ya Singida United yashimwe n’umutoza wa Yanga SC Mwinyi Zahera, ibi yabitangaje mu gihe iki cyumweru aribwo bazatangaza urutonde rw’ abakinnyi bamaze kugurwa n’iyi kipe ndetse n’abasigaye gusinyishwa.

Iyi kipe ya Young Africans ikaba iri mu biganiro bya nyuma byo gusinyisha abakinnyi bafite ubwenegihugu mu gihugu cya Congo aribo: Haeritier Makambo, Deus Kaeseke na Mrisho Ngassa.

Umukinnyi Rusheshangoga ari mu bakinnyi bifuzwa na Young Africans
Mwinyi Zahera umutoza mukuru wa Young Africans

Aganira n’ikinyamakuru Championi cyo muri Tanzania, Mwinyi Zahera yatangaje ko amaze igihe akurikirana uyu mukinnyi w’inyuma ku ruhande rw’iburyo, ndetse yashimishije n’uko yitwara gusa bigoranye kumusinyisha kuko bamaze kumenya ko anifuzwa cyane n’ikipe ya APR FC.

“Mu mwaka ushize w’imikino, nabonye abakinnyi beza batatu, haba muri Yanga ndetse n’amakipe. Muri abo harimo umukinnyi w’inyuma iburyo wa Singida w’umunyarwanda. Ni umukinnyi mwiza, haba mu kugarira no gusatira, ariko bambwiye ko ashobora kuba yaravuye muri Singida agasinyira APR. Hari abandi bakinnyi babiri amazina yabo ntazi neza kuko murabizi ndi umunyamahanga.”

Umukinnyi Rushashangoga Michel biravugwa ko azakinira ikipe ya APR FC mu mwaka utaha w’imikino, aho kugeza ubu iyi kipe iri mu biganiro byo kurangizanya n’ikipe ya Singida United yakiniraga mu mwaka ushize w’imikino nyuma yo kuva muri APR FC.

Leave a Reply