Umukino w’igikombe cy’Amahoro wagombaga guhuza ikipe ya Sunrise FC na Rayon Sports wa ½  wimuwe ushyirwa ku wa mbere tariki 6 Kanama 2018.

Umukino wa ½ w'igikombe cy'Amahoro wa Sunrise fc na Rayon sports wimuriwe i Tariki

Ishyirahamwe ry’umupira w’amaguru mu Rwanda (FERWAFA) ryamaze gutangaza uko imikino ya ½  kirangiza cy’Igikombe cy’Amahoro izakinwa ku i Tariki 06 Kanama 2018. Ni nyuma yuko imikino ya ½ Cy’irangiza mu igikombe cya Amahoro cya 2018 yariteganyijwe kuzakinwa mu mpera z’iki cyumweru turimo ku cyumweru i Tariki 4 Kanama 2018.

Kugeza ubu umukino wari guhuza ikipe ya Rayon Sports na Sunrise FC niwo wimuwe wonyine, kuko Ikipe ya Rayon Sports iri mu gihugu cya Algeria. Bitaganyijwe ko igomba kugera mu Rwanda ku i tariki 3 Kanama 2018 bityo ko bitari gushoboka ko bucya ikina umukino yari gukina n’ikipe ya Sunrise fc, niyo mpamvu umukino wayo wimuwe.

Ikipe ya Rayon Sports ihagarariye u Rwanda muri Total CAF Confederation Cup. Ku cyumweru tariki 29 Nyakanga 2018 nibwo yakinnyi na USM Alger banganya 1-1 mu mukino ubanza mu yo kwishyura mu matsinda.

Umukino wa ½ w'igikombe cy'Amahoro wa Sunrise fc na Rayon sports wimuriwe i Tariki

Naho umukino uzahuza ikipe ya Mukura VS na APR FC kuwa gatandatu i tariki 3 Kanama 2018 wo ntiwimuwe, uzakinwa nkuko byari biteganyijwe kuri Stade ya Huye.

Imikino yo kwishyura yo muri iki cyiciro iteganyijwe ku matariki 8 na tariki 9 Kanama 2018. Umukino wa nyuma n’umwanya wa 3 bizakinwa ku itariki 2 Kanama 2018.

 

TANGA IGITEKEREZO KURI IYI NKURU