Asinah Erra wakundanye na Riderman igihe kinini baza gutandukana yamaze kwinjira mu rukundo n’undi musore w’umuzungu wo mu gihugu cya Albania yizera ko bazagera kuri byinshi.

asinah erra rwanda

Asinah yakundanye na Riderman igihe kirekire nyuma baza gutandukana mu buryo butunguranye, kuko benshi bemezaga ko urukundo rwabo ruzaramba bakanashingana urugo, ariko urukundo rwabo rwaje kuyoyoka, buri umwe aca inzira ye, Riderman yirongorera undi mukobwa.


Mu kiganiro n’itangazamakuru, Asinah Erra yavuze ko adashaka gutangaza amazina y’uyu muzungu basigaye bakundana kubera ko ngo we atari mu muziki cyangwa mu buzima bw’ubwamamare, gusa ashimangira ko amaze igihe kingana n’amezi 5 akundana n’uyu musore bahujwe n’inshuti yabo bombi, bikarangira bakundanye bya nyabyo.

Umunyamakuru yifuje kumenya niba uyu musore wo muri Albania uri kubarizwa mu Rwanda yaraje gusura Asinah cyangwa hari ikindi cyamuzanye, asubiza ko uyu muzungu ari mu Rwanda muri gahunda z’akazi k’igihe kirekire.

Asinah Erra yashyize hanze ifoto y'umukunzi we mushya

Asinah yakomeje avuga ko uyu mugabo w’umuzungu bakundana ari kuba mu Rwanda, akazajya asubira iwabo ari uko agiye mu biruhuko, anashimangira ko asanga urukundo rwabo rufite intego kandi yizeye ko bazagera kuri byinshi.

IYUMVIRE UBURYO BUTANGAJE BAMWE BASUBIZAMO IBIBAZO BY’UBUSA BUSA-Ntiwibagirwe GUKORA SUBSCRIBE:

IGITEKEREZO 1

TANGA IGITEKEREZO KURI IYI NKURU