Mu matora ya Perezida ateganyijwe Tariki 23 Ukuboza 2018, Perezida Joseph Kabila ntaziyamamariza gukomez kuyobora, Emmanuel Ramazani Shadary niwe mukandida uzahagararira ihuriro ry’ amashyaka ari ku butegetsi muri Repubulika iharanira Demukarasi ya Kongo (FCC).

RDC: Perezida Joseph Kabila ntaziyamamariza gukomeza kuyobora

Umuvugizi wa Leta ya Congo Lambert Mende uri no mu ishyaka FCC yari aherutse gutangaza ko bitarenze Tariki 8 Kanama 2018 bizaba byamenyekanye niba Joseph Kabila aziyamamaza cyangwa ataziyamamaza.

Ramazani Shadary w’ imyaka 58 ni umwe mu ba Lieutenant b’ inkoramutima za Joseph Kabila, akaba yari umunyamabanga w’ ishyaka PPRD. Uyu mwanya yawugiyeho kuva mu ntangiro za 2018.

Emmanuel Ramazani Shadary arubatse, afite abana umunani, afite diplome mu bya politiki yakuye muri Kaminuza ya Kinshasa (UNIKIN).

Emmanuel Ramazani Shadary
Emmanuel Ramazani Shadary

Kuri uyu wa kabiri, Perezida Joseph Kabila yagiranye inama n’abategetsi bo mu rugaga rw’amashyaka ari ku butegetsi baganira kuri iyi ngingo. Itegekonshinga ribuza Bwana Kabila – wagombye kuba yaravuye ku butegetsi mu myaka ibiri ishize – kongera kwiyamamaza nubwo we ataravuga ku mugaragaro niba atazongera kwiyamamaza.

Abakandida ku mwanya wa perezida wa Congo bagomba kugeza kandidatire zabo ku kanama k’amatora bitarenze nyuma ya saa sita kuri uyu wa gatatu, abakandida 8 akaba aribo bamaze gutanga kandidatire zabo.

Jean Pierre Bemba
Jean Pierre Bemba

Aba barimo Jean Pierre Bemba wigeze kuba Visi-Perezida wa Congo akaba n’umukuru w’inyeshyamba, wasubiye mu gihugu mu cyumweru gishize amaze gukurirwaho ibyaha by’intambara n’urukiko mpuzamahanga mpanabyaha.

Leave a Reply