Amy Blauman wabyaranye na Manzi James {Humble Jizzo} yagarutse mu Rwanda, ni nyuma y’icyumweru kimwe yari amaze muri Leta Zunze Ubumwe z’America aho yari yaragiye gusura umuryango we.

Tariki ya 15 Ukuboza 2017 nibwo Humble Jizzo na Amy bajyanye muri USA mu rwego rwo kwiyerekana mu muryango, Bidatinze kuya 22 Gashyantare 2018 bahise bibaruka umwana w’umukobwa witwa ‘Ariella Michelle Blauman-Manzi’ wavukiye mu bitaro bya Central Washington Hospital.

Ku mugoroba wo ku wa Gatatu Tariki ya 01 Kanama 2018, Amy Blauman yasubiye muri Leta Zunze Ubumwe z’Amerika, akaba yaragiye atajyanye umwana we, ndetse bamwe batangira guhwihwisa ko ashobora kutazagaruka.

Mu ijoro ryo kuri uyu wa Kane Tariki ya 09 Kanama 2018, Amy Blauman yagarutse mu Rwanda yakirwa n’umugabo we, maze bombi bahishura uburyo bari bakumburanye cyane nyuma y’icyumweru batabonana.

Humble Jizzo yagize ati “Ugarutse neza mugore wanjye. Ndabizi ko icyumweru Atari kirekire gusa naringukumbuye nk’umuntu umaze ukwezi atakubona @amyalexandriablauman.”

Amy Blauman nawe yavuze ko yari akumbuye cyane umugabo we ndetse n’imfura ye ‘Ariella Michelle Blauman-Manzi.’

Umugore wa Humble Jizzo yagarutse mu Rwanda
Umugore wa Humble Jizzo yagarutse mu Rwanda
Umuryango wongeye kubonana
Umuryango wongeye kubonana
Amy ngo yari akumbuye imfura ye Ariella Michelle Blauman-Manzi
Amy ngo yari akumbuye imfura ye Ariella Michelle Blauman-Manzi

Leave a Reply