Umuririmbyi Yvan Muziki usanzwe atuye mu mujyi wa Bruxelles ho mu gihugu cy’Ububiligi, yagarutse mu Rwanda muri Gahunda z’Umuziki, aho biteganyijwe ko azakora ibitaramo bikomeye afatanyije n’abahanzi bafite izina murwa Gasabo.

Yvan Muziki agiye gukora ibitaramo bikomeye
Yvan Muziki agiye gukora ibitaramo bikomeye

Yvan Muziki benshi bamumenye mu ndirimbo nka Kayengayenge’ (isubiyemo), ‘Ntunsige’, ‘Nkumbuye’, ‘ Cherie’ na Urban Boys na ‘Byabihe’ yakoranye na Uncle Austin n’izindi nyinshi.

Uyu muhanzi afite inkomoko mu Rwanda no mu Burundi, nyina ni umunyarwandakazi akaba avukana na se wa Masamba na Sentore, n’aho se akaba ari Umurundi.

Muziki kuri ubu yaje mu Rwanda muri Gahunda z’umuziki aho arimo gutegura igitaramo gikomeye azahuriramo na Masamba Intore ndetse na Jules Sentore basanzwe ari babyara be.

Mu kiganiro yagiranye n’itangazamakuru ubwo yageraga mu mujyi wa Kigali, Yvan yavuze ko afite ibyishimo bidasanzwe nawe ubwe atabasha gusobanura, maze yongeraho ko ahishiye byinshi abanyarwanda birimo nk’ibitaramo ndetse n’indirimbo azakorana n’abahanzi bafite izina rikomeye mu Rwanda.

Yvan Muziki yaje mu Rwanda muri Gahunda z'umuziki
Yvan Muziki yaje mu Rwanda muri Gahunda z’umuziki
Umuryango we wari waje kumwakira ku kibuga cy'indege
Umuryango we wari waje kumwakira ku kibuga cy’indege
Aha yaramutsanyaga n'ababyeyi be
Aha yaramutsanyaga n’ababyeyi be
Mu buzima busanzwe, Yvan Muziki ni mubyara wa Masamba Intore ndetse na Jules Sentore
Mu buzima busanzwe, Yvan Muziki ni mubyara wa Masamba Intore ndetse na Jules Sentore

Leave a Reply