Bamwe mu abahanzi bakunzwe cyane muri Afurika y’Iburasirazuba, bakigaragaza nk’abafite impano, ariko kubera ubundi bushabitsi, bagahita babihagarika kandi bari bamaze kwigarurira imitima ya benshi.

Abahanzi bakunzwe cyane muri Afurika y’Iburasirazuba bakaba batakigaragara cyane muri muzika

Muri abo bahanzi twavuga nk:

  1. Mr Nice: Amazina ye nyakuri ni Lucas Mkenda, akaba azwi cyane ku izina rya Mr Nice muri muzika yo muri Tanzania no muri Afurika y’Iburasirazuba, uyu mugabo yamenyekanye cyane ku ndirimbo Fagilia, Kikulacho, Kila Mtu na Dame Wake…

Mr Nice

Mr Nice ari mu bahanzi bakanyujijeho n’izi ndirimbo ze, bitangazwa ko ahagana mu 2000 Mr Nice yari mu bahanzi bahenze muri Afurika y’Iburasirazuba, aho ngo kumutumira mu gitaramo byari ibihumbi bine by’Amadolari, Album ye ya mbere yashyize hanze yayise Kidali Po mu 1999, iya kabiri ‘Lafiki’ mu 2002.

Mr Nice yaje kuburirwa irengero muri muzika, mu mwaka wa 2015 byatangajwe ko yanduye agakoko gatera Sida ariko aza kubinyomoza mu kinyamakuru Standard Digital, mu 2017 bitangazwa mu binyamakuru bitandukanye ko uyu muhanzi wazimye yugarijwe n’ubukene.

2. Ray C:

Rehema Chalamila uzwi ku izina rya Ray C, na we ni umwe mu abahanzi bakunzwe cyane,  umutanzaniyakazi wamamaye cyane mu mwaka ya za 2003 kugera 2008. Ray C afite imyaka 36 y’amavuko, amaze igihe kirekire atumvikana mu ruhando rwa muzika.

Rehema Chalamila uzwi ku izina rya Ray C

Abakunzi ba Ray C, bamuzi cyane ku ndirimbo Uko wapi, iyi ndirimbo yarakunzwe kugeza n’iyi saha igikunzwe, izindi ndirimbo ni nka Sogea Sogea, na Wewe Milele, Mapenzi yangu,…Ray C yaje kugira ikibazo cyo kuba imbata y’ibiyobyabwenge, amara igihe kirekire yarazahajwe nabyo, ku bw’amahirwe yaje kuvuzwa na Perezida Kikwette wari Perezida wa Tanzania.

3. Nj Burundi:

Uyu muhanzi yamenyekanye cyane mu Rwanda no mu Burundi ku ndirimbo ‘Utujedi’, amazina ye ni Ayoub Ephraim, iyi ndirimbo ye yakinwe cyane mu maradiyo yo mu Rwanda bitewe n’ubutumwa bwari buyikubiyemo.

Ayoub Ephraim uzwi nka Nj Burundi

Uyu muhanzi aheruka kugaragara mu bitaramo byo mu Rwanda mu 2010 ubwo umuhanzi Mike Karangwa yamurikaga Album ye muri Kaminuza i Butare muri ‘Auditorimu’. Mu 2015, NJ yaje gutangaza ko yakijijwe akaba asengera mu idini y’Abadivantisiti b’umunsi wa 7.

4. Lady Mariam:

Uyu muhanzikazi ukomoka mu gihugu cya Uganda, umwe mu abahanzi bakunzwe cyane, yakunzwe cyane muri aka karere n’indirimbo ye ‘Tindatine’. Hashize igihe kirekire atavugwa mu itangazamakuru ndetse atanasohora indirimbo.

Lady Mariam

Mu mwaka wa 2014, Mariam yagarutse mu itangazamakuru avugwaho kuba nta mugabo urabasha kumushimisha mu bijyanye no gutera akabariro, uvuga ko arimo gushakisha ngo arebe ko yabona uwagerageza akamurutira abandi bose yagiye aryamana nabo batabashije kumuhaza.

5. Fulgence:

Umuhanzi w’umunyarwanda Bigirimana Fulgence, ku izina ry’ubuhanzi rya Fulgence, yamenyekanye cyane mu Rwanda ku ndirimbo ‘Nyamusaninyange, Unsange…”

Bigirimana Fulgence

Izi ndirimbo zakunzwe mu myaka ya za 2005, 2006 ndetse na 2007,  nyuma yaho araceceka, mu mwaka wa 2013 nibwo yasohoye indirimbo ‘Inz’ubu’ igaruka ku buzima bwo mu ngo, ariko uyu muhanzi wari ukunzwe ntabwo yakomeje kwigaragaza.

6. Mc Mahoniboni:

Mc Mahoniboni ufatwa nk’umuhanzi wabashije gukundisha Abanyarwanda injyana ya Hip Hop yavuye mu Rwanda mu 2007, yerekeza ku mugabane w’i Burayi mu Buhorandi.

Mc Mahoniboni

Mu mwaka wa 2013 nibwo uyu muhanzi yasohoye indirimbo ari muri iki gihugu cy’u Buholandi benshi mu bakunzi be bibwira ko agarutse ngo yongere afate umuvuduko yari ariho ariko si ko byagenze, ntabwo yongeye kumvikana cyane muri uyu mukino wa muzika. Yamenyekanye ku ndirimbo nka Kubaka izina, Dusenge, …

7. TID:

Amazina ye ni Khalid Mohamed, akaba azwi cyane ku izina rya TID mu muziki wa Tanzania, uyu muhanzi yatangiye umuziki mu mwaka wa 1994, aririmba mu itsinda ‘Black Gangsters’ nyuma aza gutangira kuririmba ku giti cye ahana mu 2002 ari nabwo yatwaye igihembo cya ‘Best Male Artist & Best R&B Artist’ ndetse na 2005 aza kwegukana ikindi.

Khalid Mohamed

Kuva mu mwaka wa 2008 ubwo yakatirwaga igifungo cy’umwaka, nyuma akanavugwaho gukoresha ibiyobyabwenge. Khalid Mohamed uzwi cyane ku ndirimbo nka ‘Nyota yangu, Siamini,…ntabwo yakomeje kwigaragaza muri muzika cyane.

8. Mu bandi abahanzi bakunzwe cyane bo muri Tanzania batakivugwa cyane twavuga nka Professor Jay, Lady Jaydee, Mr Blue,.. ni bamwe mu bahanzi bakunzwe cyane mbere ya 2010, nyuma imbaraga bari bafite muri muzika zikagenda zigabanuka kimwe nuko bamwe bagiye bawuvanga n’indi mirimo.

Umuhanzi Professor Jay
Umuhanzi Professor Jay
Umuhanzikazi Lady Jaydee
Umuhanzikazi Lady Jaydee
Hashize igihe kirekire Mr Blue yararetse umuziki, ajya gukina filimi
Hashize igihe kirekire Mr Blue yararetse umuziki, ajya gukina filimi

9. Umunyakenya Jaguar kuri ubu wabaye umudepite, ni umwe mu abahanzi bakunzwe cyane, azwi cyane ku ndirimbo nka ‘Kigeugeu’, nawe ari kuri uru rutonde rw’abagiye bava muri muzika bakajya mu bunsi bushabitsi.

Umunyakenya Jaguar ubu na we wabaye umudepite
Umunyakenya Jaguar ubu na we wabaye umudepite

TANGA IGITEKEREZO KURI IYI NKURU