Ikipe ya APR FC yaraye igeze mu karere ka Nyagatare mu ntara y’uburasirazuba aho igiye gukomereza imyitozo mu rwego rwo kwitegura shampiyona y’umwaka utaha, bakaba bahise batangira imyitozo.

APR FC yaraye igeze mu karere ka Nyagatare yahise ikora imyitozo

APR FC yahagurutse i Kigali ku munsi w’ejo mu gitondo saa mbiri n’iminota mirongo itatu, igera i Nyagatare saa sita ihita ijya muri City Blue hotel ari naho izamara iminsi itatu icumbitse.

Umutoza mukuru Dr Petrović n’ikipe ye bakiriwe neza, muri iyi hotel, bakaba bahise bakora imyitozo ya mbere bakoreye mu karere ka Nyagatare. Ku gicamunsi cyo kuwa kane saa kumi, nibwo APR FC yatangiye imyitozo yakorewe kuri hotel, dore ko iyi hotel inafite ibikoresho byinshi bitandukanye byifashishwa mu myitozo.

APR FC yaraye igeze mu karere ka Nyagatare yahise ikora imyitozo

Iyi myitozo ya APR FC, yibanze ku kurambura no kugorora ingingo, babanje kwirukankamo gacye no kwirambura, byakozwe mu minota 30 gusa, abakinnyi bahise bakomereza imyitozo mu byuma byongera imbaraga.

APR FC yaraye igeze mu karere ka Nyagatare yahise ikora imyitozo

Biteganyijwe ko kuri gahunda y’umutoza Dr Petrović, ikipe ya APR FC irakomeza imyitozo uyu munsi kuwa Gatanu aho baza gukora inshuro ebyiri, mu gitondo saa tatu (09H00) ndetse na ni mugoroba saa kumi (16H00).

Leave a Reply