Dushimimana Lydia wabaye Nyampinga w’umuco n’umurage {Miss Heritage 2018} yatangaje ko afite umusore bakundana, ni nyuma yuko yari amaze igihe kinini arwariye indege umuhanzi Andy Bumuntu.

Dushimimana Lydia w’umukobwa w’imyaka 20, akaba akomoka mu ntara y’amajyepfo mu karere ka Huye, ni umwana wa Kane mu muryango wabo, akaba yiga mu mwaka wa mbere mu bijyanye n’itumanaho n’ikoranabuhanga muri IPRS Huye.

Lydia Dushimimana w'imyaka 20 akomoka i Huye
Lydia Dushimimana w’imyaka 20 akomoka i Huye

Lydia areshya na metero 1.70 akaba apima ibiro 59, Imigabo n’imigambi ye ni ugushishikariza abana b’abakobwa kugana mu mashuri y’imyuga, bakihangira imirimo izababeshaho.

Mu minsi ishize nibwo uyu mwari yatangaje ko akunda by’akataraboneka umuhanzi Andy Bumuntu ndetse ngo aramutse amwatse urukundo yahita yemera atajijinganyije.

Miss Lydia yari amaze igihe yararwariye indege Andy Bumuntu
Miss Lydia yari amaze igihe yararwariye indege Andy Bumuntu

Aya makuru yageze kuri Andy Bumuntu maze avuga ko nawe bimushimishije kubona afite umufana umukunda bene ako kageni, ndetse ahita amwemerera ko nibabonana azamuha impano izamushimisha cyane.

Kugeza magingo aya, Lydia Dushimimana yamaze kwerura ku mugaragaro ko afite umukunzi yihebeye, ndetse ngo aterwa ishema no kuba bari kumwe.

Miss Lydia ari mu munyenga w'urukundo n'umusore witwa Chris
Miss Lydia ari mu munyenga w’urukundo n’umusore witwa Chris

Lydia abaye umwe muri ba Nyampinga bake beruye ko bafite abakunzi, dore ko akenshi bose usanga iyo ubabajije iki kibazo bahita babyamaganira kure.

Leave a Reply