Paul Pogba utakirebana neza n’umutoza Jose Mourinho yamaze gushyirirwaho igiciro cya miliyoni 200 z’ama Pounds ku baba bifuza kuzamugira umukinnyi wabo guhera mu kwezi kwa Mbere 2019

Paul Pogba utakirebana neza na Mourinho yashyiriweho igiciro

Amakimbirane hagati y’uyu musore n’umutoza we yafashe indi ntera ubwo Jose Mourinho yamubwiraga ko atazigera yongera kwambara igitambaro cy’ubukapiteni. Umutoza Jose Mourinho yabwiye uyu musore ko atazongera kuyobora bagenzi be mu kibuga ngo kuko atujuje ibiranga umuyobozi wa nyawe.

Ku munsi w’ejo  nanone ibintu byongeye kuba bibi ubwo Jose Mourinho yamwandagarizaga imbere ya bagenzi be akanamukura ku rutonde rw’abagomba gukina umukino wa EFL Manchester United yaraye ikinnye na Derby County.

Paul Pogba utakirebana neza na Mourinho yashyiriweho igiciro
Manchester United yaraye ikinnye na Derby County Paul Pogba atarimo awurebera hanze.

Ni nyuma y’imyitwarire uyu musore yagaragaje mu cyumweru gishize ubwo ikipe ye ya Manchester United yanganyirizaga na Wolves Old Trafford. Pogba yatakaje umupira ntiyasubira inyuma byibura ngo abe yarwana kuri bagenzi be, birangira ikipe ya Wolves ibatsinze igitego.

Paul Pogba utakirebana neza na Mourinho yashyiriweho igiciro

Nyuma y’umukino, Pogba ntiyigeze aripfana ahubwo yashinje umutoza we gusubiza ikipe ye Manchester United inyuma bitewe n’imikinishirize mibi y’abakinnyi.

Paul Pogba utakirebana neza na Mourinho yashyiriweho igiciro

Nyuma y’aya magambo, umutoza Mourinho yanze kwihangana birangira na we yandagaje uyu musore ukomoka mu gihugu cy’Ubufaransa. Mourinho yavuze ko hari amasomo bagenda bigira mu mikino imwe n’imwe ariko bikarangira Pogba ntacyo ayamenyeho

Mu guhosha amakimbirane hagati y’aba bombi, Jose Mourinho yavuze ko nta kibazo afitanye na Pogba, nta gushwana guhari. Aganira na Sky Sports Mourinho yagize ati:

“I am the manager I can make these decisions.”  Yongeraho agira ati: “No fallout at all, no problem at all, just a decision that I don’t have to explain.”

N’ubwo Pogba agifitanye amasezerano y’imyaka 3 na Manchester United, birasa n’aho amahirwe yo kuyigumamo mu gihe Mourinho akiyirimo ari make kuko amaze igihe kirekire atishimye.

Amakipe ya FC Barcelona, PSG na Juventus yahoze akinira ni amwe mu yifuza uyu musore mu gihe yaba avuye i Manchester.

IGITEKEREZO 1

TANGA IGITEKEREZO KURI IYI NKURU