Ku myaka 51 y’amavuko, Perezida yatunguranye agaragara akinira ikipe y’igihugu ndetse ari na kapiteni wayo, ibintu bidakunze kugaragara bikaba byatangaje abatuye Isi.

 

Byari mu mugoroba wo kuri uyu wa kabiri tariki ya 11 Nzeli 2018, mu mukino wa gishuti Liberia yakinaga n’ikipe y’igihugu ya Nigeria ubera muri Monrovia, umukino warangiye  Nigeria itsinze ibitego 2-1 cya Liberia, aho Perezida wa Liberia George Weah yongeye kugaragara mu ikipe y’igihugu ya Liberia.

Perezida yatunguranye agaragara akinira ikipe y'igihugu

Perezida George Weah wabaye umukinnyi rukumbi watwaye Ballon d’or, igihembo gikuru gitangwa n’ishyirahamwe ry’umupira w’amaguru ku isi FIFA, nyuma y’uko abaye Perezida abenshi biyumvishaga ko atazongera kugaragara mu kibuga akina umupira ukundi, yaje gutungurana maze amara mu kibuga iminota 79 ari kapeteni mu mukino warangiye ari ibitego 2-1.

Perezida George Weah

Perezida George Weah wagaragaye mu kibuga iminota 79 ndetse byakarusho ari kapiteni wa Liberia, yari yambaye nimero 14 yambaraga ubwo yari agikina nk’uwabigize umwuga mu makipe akomeye tandukanye yagiye akinira i Burayi.

Perezida George Weah

Nyakubahwa George Weah warahiriye kuba Perezida wa Liberia muri Mutarama 2018 nyuma y’uko yaratsinze amatora y’umukuru w’igihugu, yakiniye amakipe atandukanye nka AC Milan yo mu butaliyani na Arsenal yo mu gihugu cy’ubwongereza.

Leave a Reply