Ikipe ya Rayon Sport iherutse gukatisha itike yo guhatana muri 1/4 cy’imikino nyafurika ku makipe yatwaye ibikombe iwayo muri Africa {CAF Confederation Cup}, yatomboye ikipe yo muri Nigeria.

Ku mugoroba wo kuya 29 Kanama 2018 nibwo ikipe ya Rayon Sport yakoze amateka yihariye yo kugera muri ¼ itsinze Yanga, ibasha guca agahigo ko kuba ikipe ya mbere yo mu karere ka Afurika y’ Uburasirazuba igeze muri ¼ cya CAF Confederation Cup nyuma y’imyaka n’imyaniko.

Muri tombola yakozwe ku mugoroba wo kuri uyu wa mbere Tariki ya 03 Nzeli 2018, yarangiye Rayon Sport yo mu Rwanda itomboye ikipe ya Enyimba FC yo muri Nigeria isanzwe ifite ibikombe 2 bya Champions League yatwaye muri 2003 na 2004.

Rayon Sport yatomboye ikipe yo muri Nigeria mu mikino ya CAF Confederation Cup
Enyimba FC yo muri Nigeria isanzwe ifite ibikombe 2 bya Champions League yatwaye muri 2003 na 2004

Umukino ubanza uzabera mu Rwanda hagati ya tariki ya 16 Nzeli uyu mwaka, umukino wo kwishyura ukaba uzaba nyuma y’icyumweru taroki ya 23 ubere kuri Enyimba International Stadium iri muri leta ya ABA, ari naho iyi kipe ikinira.

UKO AMAKIPE YATOMBORANYE:

Rayon Sports (Rwanda) Vs Enyimba (Nigeria)

AS Vita Club (RDC) Vs RS Berkane (Morocco)

CARA Brazzaville (Congo) Vs Raja Casablanca (Morocco)

Al Masry (Egypt) Vs USM Alger(Algeria)

Rayon Sport yatomboye ikipe yo muri Nigeria mu mikino ya CAF Confederation Cup
Rayon Sport izakina na Enyimba yo muri Nigeria

TANGA IGITEKEREZO KURI IYI NKURU