Amara Enyia yafashijwe na Kanye West kwiyamamariza kuyobora akarere avukamo

363

Amara Enyia ni umugore uri kwiyamamariza kuyobora akarere k’umujyi wa Chicago mu matora ateganyijwe umwaka utaha, yatewe inkunga na Kanye kuko ariho avuka

Amara Enyia yafashijwe na Kanye West kwiyamamariza kuyobora akarere avukamo

Abakora mu bikorwa byo kwamamaza uyu mugore Amara Enyia bashimishijwe nicyo gikorwa cyakozwe nuwo muraperi Kanye West ubwo yamuhaga inkunga igera ku madolari 73540 ($73540). Ibi akaba yabikoze kuko uyu mugore ashaka kuyobora umujyi wa Chicago kandi Kanye ariho avuka.

Madamu Enyia, yarafitiye umwenda akanama k’amatora ko muri leta ya Illinois, uyu mwenda akaba yarawatse ubwo yiyamamarizaga kuyobora nubundi aka karere muri 2015. None aya mafaranga yahawe na Kanye West ahwanye nuwo mwenda ubwo nukwishyura byihuse.

Enyia, yafashijwe na Kanye West kwiyamamariza kuyobora akarere avukamo

Mu itangazo ryashyizwe hanze n’abakora mu bikorwa byo kwamamaza uyu mugore, bashimiye byimazeyo uyu muraperi Kanye West ku bw’ubuntu bwe.

Hashize iminsi 11 Kanye West ahuye na Donald Trump mu biro bya Perezida White House bagasangira ifunguro rya saa sita banaganira ku ivugurura ry’amagereza ndetse no kuri politiki muri rusange.

Ugufasha rubanda, cyane abafite ibibazo mu gukabya inzozi zabo muri politiki niyo ntego ya Madam Amara Enyia. Yifuza kuzashinga banki y’abaturage i Chicago kuko ngo ‘izagabanya ruswa’ kandi ‘igateza imbere ubukungu’

Amara Enyia, aziyamamaza mu matora ateganyijwe mu kwezi kwa kabiri mu mwaka utaha wa 2019, ashyigikiwe kandi n’umuraperi Chance the Rapper.

Chance the Rapper nawe ushyigikiye Enyia, yavuze ko ashyigikiye umuntu ushaka ko habaho “impinduka” kandi ushaka ko abantu bose “bafatwa kimwe”.

Chance the Rapper yashyigikiye Madamu Enyia wiyamamariza kuyobora akarere k'umujyi ka Chicago
Chance the Rapper yashyigikiye Madamu Amara Enyia wiyamamariza kuyobora akarere k’umujyi ka Chicago

Nkuko bitangazwa n’ikinyamakuru The Chicago Sun Times, abakandida 17 ni bo bamaze kuvuga ko baziyamamaza kuri uwo mwanya w’ubuyobozi bw’akarere k’umujyi ka Chicago.

TANGA IGITEKEREZO KURI IYI NKURU