Ikipe ya APR FC yaraye ikoze imyitozo ya nyuma itegura umukino na Etincelles, umukino wa gishuti igomba gukina uyu munsi kuwa gatatu saa yine.

APR FC irakina umukino wa Gishuti na Etincelles ibone kugaruka i Kigali

Ikipe ya APR FC imaze iminsi irindwi yitoreza mu karere ka Rubavu, aho yakiniye umukino wa wa nyuma w’igikombe cya Super Cup 2018, ndetse ikanagitwara. Ku mugoroba wo kuwa kabiri ikipe ya APR FC nibwo yasoje imyitozo ya nyuma mbere yo guhura n’ikipe Etincelles fc ibarize mu karere ka Rubavu.

Tubibutse ko ikipe ya  APR FC ikimara gukina umukino w’igikombe cya Super Cup 2018, yagumye i Rubavu ikomerezayo imyitozo ndetse yemeranya n’ikipe ya Etincelles gukina umukino wa gishuti uza kuba uyu munsi kuwa gatatu saa yine (10H00) kuri stade Umuganda.

Kuri gahunda y’umutoza mukuru Dr Petrović, APR FC nimara gukina uyu mukino irahita igaruka i Kigali, aho iza komereze imyitozo i Shyorongi nki bisanzwe, mu buryo bwo kwitegura shampiyona igomba gutangira mu mpera z’icyumweru gitaha.

Leave a Reply