Knowless Butera, itsinda rya Charly na Nina ndetse n’ Umubyinnyi Sherrie Silver bari bahagarariye u Rwanda mu bihembo bya Africa Magazine Awards (AFRIMMA) batashye ubusa babuze ibihembo mu byiciro bari bahatanyemo.

Charly na Nina, Knowless na Sherrie Silver batashye ubusa mu marushanwa ya AFRIMMA 2018

Charly na Nina na Butera Knowless bari bahatanye mu cyiciro cy’abagore bo muri Afurika y’Uburasirazuba bitwaye neza muri muzika. Umunyarwanda w’umubyinnyi Sherrie Silver yahagatana mu cyiciro cy’abayoboye imbyino.

Charly na Nina na Butera Knowless bari mu cyiciro kimwe na Victoria Kimani (Kenya), Vanessa Mdee (Tanzania), Leyla Kayondo (Uganda), Rema (Uganda), Akothee (Kenya), Nandy (Tanzania), Sheebah Karungi (Uganda) na Juliana Kanyomozi (Uganda).

Sheebah Karungi ni we wegukanye iki gihembo cyatangiwe muri Leta Zunze Ubumwe za Amerika, mu Mujyi wa Dallas i Texas.

Sherrie Silver nawe yari mu cyiciro cy’abayoboye imbyino bitwaye neza muri Afurika biturutse ku ndirimbo yagaragayemo ya Childish Gambino yitwa ‘This is America’.nawe yatashye amaramasa .

Ibi bihembo bya AFRIMMA [Africa Muzik Magazine Awards] byatanzwe ku cyumweru gishize tariki 7 Ukwakira bitegurwa n’abanyafurika baba muri Amerika bigamije guhemba abahanzi bakorera umuziki mu bihugu byabo no hanze yabyo.

Mu minsi yashize twari twabagejejeho inkuru ivuga ko Charly na Nina batazitabira icyo gikorwa kubera gahunda nyinshi z’akazi badutanagrije bari bafite ari nabwo twababajije niba koko bifiotiye icyizere cyo kuzegukana ibyo bihembo ariko bakadutangariza yuko batanagitwaye harimo abandi banyarwanda nabo  bakaba bashobora kugitwara bigatuma ibendera ry’U rwanda muri muzika nyafurika rikomeza kuzamuka .

Nubwo babitangaje gutyo n’abandi banyarwanda bari bahagarariye u Rwanda Muri ayo marushwna nkuko tubikesha urubuga rwa Afrimma.com ntibabashije kwitwara neza kuko  nabo baje kutitwara neza, batashye ubusa.

  • Umuraperi  mwiza : Khaligraph Jones du Kenya
  • Umuhanzi ukizamuka uri kwitwara neza : Ykee Benda  wo muri uganda
  • Indirimbo y’umwaka  : Soko de Wizkid wo muri Nijeriya
  • Umuhanzi mwiza muri Afurika y’iburasirazuba : Eddy Kenzo  wo muri uganda
  • Umuhanzikazi mwiza muri afurika y’iburasirazuba : Victoria Kimani kuva muri  Kenya
  • Umuhanzi mwiza wo muri afruika y’iburengerazuba : Wizkid  wo muri Nigeriya
  • Umuhanzikazi mwiza muri Afurika y’iburengerazuba  : Yémi Aladé wo muri Nijeriya
  • Umuhanzi mwiza wo muri afurika yo hagati  : Fally Ipupa muri  RDC
  • Amashusho y’indirimbo y’Umwaka : Wizkid  wo muri  Nigéria
  • itsinda ryo muri afurika ryitwaye neza : Toofan  kuva muri Togo
  • Umuhanzi mwiza wa muri afurika ivuga igifaransa : Toofan kuva  muri Togo  Togo
  • Umuhanzi w’Umwaka : Fally Ipupa wo muri RDC

Leave a Reply