Tmc na Platini bo mw’itsinda rya Dream Boys baraye bageze I Kigali bakubutse muri Leta zunze Ubumwe z’amerika aho bari baragiye gutaramira abari bitabiriye umusangiro w’abitabiriye Inama y’abashoramari bo muri afurika y’iburasirazuba.

Dream Boys bageze I kigali bakubutse muri USA

Aba basore bahagurutse inaha kw’itariki 11 Ukwakira 2018 ariko ubwo bagendaga abantu benshi bakomeje kutabacira akari urutega bavuga ko aba basore baba bagiye gutera ikirenge mu cya Meddy na The Ben bakaba bazahita batorokera muri kiriya gihugu gikunzwe nabatari bake kubera ubuzima bwaho.

Nyuma yo kumva abantu benshi bavuga ko bazatoroka, aba basore ubwo bari ku kibuga cy’indege I Kanombe batangaje ko batagiye kuguma muri Amerika kuko akazi kabo kaba hano kandi nibifuza kugenda bazakoresha uburyo bwemewe n’amategeko kandi banafite unushobozi bwa bajyana muri Amerika  bakabayo.

Tubibutse ko igitaramo bari bitabiriye cyo gusangirwa abashoramari bo muri Afurika y’iburasirazuba ariko baba muri amerika Atari ubwa mbere cyari kibaye ko bakunda gutumira abahanzi benshi bo mu karere bakajya kwifatanya nabo, kuri iyi nshuro kikaba cyarabaye kw’itariki ya 13 Ukwakira 2018 aho bishimiwe n’abari bakitabiriye kugeza aho babasenderezaho amadorali bari ku rubyiniro.

 Nkuko byari biteganyijwe rero abo basore bagombaga kugera I Kigali Ku wa kabiri ariko siko byagenze kuko baraye bahasesekanye ku mugoroba wo kuri uyu wa Gatatu kubera bagize ikibazo cy’indege yabatindije kubera ibibazo by’iteganyagihe bitari bimeze neza .

Bakigera ku kibuga mpuzamahanga cya Kigali bakubutse USA, aba basore bakiriwe na bamwe mu nshuti zabo  nyuma bagirana ikiganiro n’itangazamakuru aho bavuze ko bishimiye uko igitaramo cyagenze.

Mu gusoza aba basore bagize bati “abakeka ko tuzatorokera muri Leta zunze ubumwe z’Amerika babyibagirwe twagarutse kandi tuje dufite imishinga myinshi harimo nindi yo gusubirayo gukorerayo igitaramo kubera ko abafana bacu baho babidusabye.”

TANGA IGITEKEREZO KURI IYI NKURU