Madam Perezida Sahle-Work Zewde watorewe kuyobora Ethiopia ni muntu ki?

523

Madam Sahle-Work Zewde ni umugore watorewe kuyobora igihugu cya Ethiopia akaba ari nawe mugore rukumbi muri Afrika uyobora nka perezida.

Madam Perezida Sahle-Work Zewde watorewe kuyobora Ethiopia ni muntu ki?
Madam Sahle-Work Zewde watorewe kuba perezida wa Ethiopia.

Zwede yasezeranyije kwibanda ku buringanire bw’abagabo n’abagore no guharanira amahoro, ubwo nteko ishingamategeko ya Ethiopia ku wa kane yatoye Sahle-Work Zewde nka Perezida w’iki gihugu wa mbere w’umugore.

Madamu Sahle-Work w’imyaka 68 y’amavuko, ni umunyapolitiki w’inararibonye mu mibanire y’ibihugu. Yize amasomo ya siyansi kuri Kaminuza ya Montpellier mu Bufaransa. Avuga adategwa Igifaransa n’Icyongereza – byiyongera ku rurimi kavukire rwa Amharic ruvugwa muri Ethiopia.

Gusa uyu mwanya yatorewe ntukomeye cyane kuko minisitiri w’intebe ariwe ukomeye kurusha abandi. Ndetse ibi bibaye nyuma yuko minisitiri w’intebe w’iki gihugu cya Ethiopia Abiy Ahmed, atangaje abagize Leta nshya, kandi cyimwe cya kabiri(1/2) cyabo ni abagore

Gukorana umuhate kugira ngo uburinganire bw’abagore n’abagabo bube impamo muri Ethiopia niyo ntego ya Madam Sahle-Work

Mu ijambo rya perezida Sahle yagajeje ku ntekonshingamategeko, yagize ati “Ndabasabye mbinginga dutsimbarare ku mahoro yacu kuko iyo habuze amahoro twe nk’ababyeyi nitwe bambere tugirwaho ingaruka.”

Yabaye ambasaderi, akora no muri ONU

Madamu Sahle-Work yabaye ambasaderi wa Ethiopia mu bihugu bya Senegali na Djibouti.

Yakoze imirimo itandukanye mu muryango w’abibumbye, irimo no kuba umukuru y’ibikorwa bya ONU byo kugarura amahoro mu gihugu cya Central Africa.

Mbere yuko aba Perezida, Madamu Sahle-Work yari ahagarariye ONU mu muryango w’ubumwe bw’Afurika.

Perezida w’umugore muri Afurika waherukaga kubaho yari Ameenah Gurib-Fakim w’ikirwa cya Maurice, weguye ku butegetsi mu kwezi kwa gatatu ashinjwa isesagura ry’umutungo, ikirego ahakana, akavuga ko nta kibi yakoze.

TANGA IGITEKEREZO KURI IYI NKURU