Ejo kuwa Kane ikipe ya Rayon Sports yerekanye ibirori bidasanzwe byo kumurika imyambaro mishya bazakoresha muri uyu mwaka w’imikino ya shampiona, mu birori bya Rayon Sports ntiherekanywa nimero ya Bakame ahubwo iyo yambaraga ihabwa undi.

Mu birori bya Rayon Sports ntiherekanywe nimero ya Bakame ahubwo yahawe undi

Mu myambaro iyi kipe yerekanye, Gashumba Abuba yahawe nimero imwe yambarwaga na Bakame, mu gihe nimero icyenda kugeza ubu iracyabitse ntawatangajwe uzayambara.

Ndayishimiye Eric Bakame ntiyagaragaye mu bakinnyi berekanywe ndetse Nta n’icyatangajwe kigendanye no kuba ikipe nta gahunda imufiteho.


Paul Muvunyi , Umuyobozi w’ikipe yasobanuye ko nta kibazo kiri hagati ya Bakame n’ikipe cyane ko ari ku rutonde rw’abakinnyi, ibyo kuba atahagaragaye ngo siwe byabazwa.

Ati “Bakame ari ku rutonde, kuba ataje byabazwa ababishinzwe (staff Technic). Nta kibazo afitanye n’ubuyobozi. Ni umukinnyi wa Rayon Sports kugeza igihe amasezerano ye azarangirira.”

Naho ku bya Fabrice Mugeni ngo haracyategerejwe imyanzuro FERWAFA izamufataho.

Paul Muvunyi yibukije abakinnyi n’abafana ko intego yabo muri uyu mwaka w’imikino nta kipe izabahagarara imbere. Yabibukije ko bafite umukino ukomeye uzabahuza na APR FC nihatangizwa igikombe cyo kurwanya ruswa ku itariki 29 Ugushyingo 2018.

TANGA IGITEKEREZO KURI IYI NKURU