Kuri uyu wa Gatatu taliki 10 Ukwakira 2018, Ikipe ya APR FC ihaye isomo Etincelles FC iyitsinda ibitego 3-0, mu mukino wa gicuti amakipe yombi yahuriyemo kuri Stade Umuganda i Rubavu.

Mu mukino wa gicuti wabereye i Rubavu APR FC ihaye isomo Etincelles FC

Ni mu rwego rwo gukomeza kwitegura shampiyona y’ikiciro cya mbere igomba gutangira mu cyumweru gitaha.

Myugariro Prince Buregeya ni we wafunguye amazamu ku ruhande rwa APR FC, ku gitego yatsinze ku munota wa 18 w’umukino. Ni ku mupira yari aherejwe na Blaise Itangishaka.

Iki gitego ni cyo cyajyanye amakipe yombi mu kiruhuko n’ubwo iyi kipe y’ingabo z’igihugu yari yagiye ihusha ubundi buryo bwakavuyemo ibitego.

Mu mukino wa gicuti wabereye i Rubavu APR FC ihaye isomo Etincelles FC

Igice cya kabiri kigitangira, umutoza Petrović yakoze impinduka akuramo Amran Nshimiyimana, Blaise Itamgishaka, Fiston Nkinzingabo ,Ntaribi Steven, Issa Bigirimana na Sugira Ernest; yinjiza mu kibuga abakinnyi bari babanje hanze barimo Mirafa Nizeyimana, Ntwari Evode, Lague Byiringiro, Fiacle Ntwari ,Songayingabo Shaffi ndetse na Savio.

Aba bakinnyi bahise bongerera imbaraga ikipe ya APR FC, binatuma ibona ibindi bitego 2; harimo icya Lague Byiringiro na Nsengiyumva Moustapha.

Nyuma yo gutsinda uyu mukino, umutoza Petrovic n’abasore be bahise bagaruka mu mujyi wa Kigali mu rwego rwo kwitegura ikipe y’Amagaju bazahura mu mukino w’umunsi wa mbere wa shampiyona.

Mu mukino wa gicuti wabereye i Rubavu APR FC ihaye isomo Etincelles FC

Leave a Reply