Umusore w’Umunya-Bresil ukinira ikipe ya PSG, Neymar Junior Da Santos yavuze amagambo atangaje kuri Kylian Mbappe watsinze ibitego bine mu mukino umwe agaca agahigo katarakorwa n’undi mukinnyi muri Shampiyona y’Ubufaransa.

Neymar yavuze amagambo atangaje kuri Mbappe waciye agahigo gakomeye

Ikipe ya Paris Saint Germain yaraye yihereranye Lyon iyinyagira ibitego 5-0 mu mukino Kylian Mbappe yatsinzemo ibitego bine byose mu gihe ikindi cyatsinzwe na Neymar kuri penaliti.

Ibi bitego bine Mbappe yabitsinze mu minota 13 gusa, Ibintu bitigeze bikorwa n’undi mukinnyi uwo ariwe wese kuva iyi Shampiyona yabaho.

Uyu musore ku myaka ye 19 yaciye agahigo kandi ko kuba umukinnyi ukiri muto ubashije gutsinda ibitego byinshi mu mukino umwe muri iyi Shampiyona.

Nyuma y’umukino Neymar yavuze ko Mbappe ari umukinnyi udasanzwe, yemeza ko ku myaka ye ibintu akora bitangaje cyane kandi mu myaka iri imbere azarushaho kwigaragaza birenze.

Neymar yakomeje ashimangira ko yemera adashidikanya ubuhanga bwa Mbappe ndetse ngo azakomeza kumufasha kwitwara neza no mu yindi mikino.

TANGA IGITEKEREZO KURI IYI NKURU