Mu muhango nk’uyu mu Kinyarwanda bavuga ko umukobwa ‘yarongowe’ ariko uyu mukobwa wo muri Uganda ukiri umunyeshuri yisezeranyije nta mugabo we wenyine yiyambika impeta arisezeranya. Ibi ngo ni ukubera igitutu cy’umuryango we uhora umusaba ko arongorwa.

Umukobwa yisezeranyije nta mugabo kubera igitutu cy'Umuryango

Avuga ko umuryango we uhora umwigisha ukuntu bikwiye ko arongorwa nyamara ngo kuri we kurongorwa ni ikintu cya nyuma kiri muri gahunda ze nyuma yo kwiga.
Mu gushaka guhima ababyeyi be no kugabanya igitutu cyabo yahise ategura umuhango w’ubukwe na we ubwe, yohereza ubutumwa butumira inshuti n’abavandimwe.

Ubukwe bwe ngo yabukoze mu kwezi kwa munani mu kabari k’ahitwa Kisementi i Kampala ndetse anabuhuza n’isabukuru ye y’imyaka 32.Lulu yakodesheje ikanzu y’abageni, yikorana umuhango w’ubukwe anavuga ijambo ku mpamvu atari kumwe n’umugabo nk’uko bitangazwa na Chimpreports.

Umukobwa yisezeranyije nta mugabo kubera igitutu cy'Umuryango

Imbere y’abatumirwa bagera kuri 30, Lulu yasubiyemo amasezerano y’abashakanye, ababyeyi be ngo batunguwe banatangazwa n’uyu mukobwa wabo, naho we ngo byari bikwiye ngo bamugabanyeho igitutu. Lulu avuga ko ababyeyi be bamusabaga kurongorwa, kubyara no kubaka urugo rwe, nyamara we ashaka kujya kwiga. Ibi bintu ngo bibaho cyane muri Uganda.

Leave a Reply