Mu Buhinde umushoferi witwa Prakasha yaretse inkende itwara bisi irimo abagenzi none ari mu mazi abira nyuma y’uko umwe mu bagenzi yamufashe amashusho maze ayakwirakwiza hirya no hino.

Umushoferi yaretse inkende itwara bisi irimo abagenzi

Uyu mushoferi Prakasha yatwaye iyi bisi ari kumwe n’inkende maze itangira kumwaka volant ngo nayo itware imodoka, arayireka, none byaciye igikuba ku mbuga nkoranyambaga hirya no hino ku isi.

Abapolisi bashinzwe umutekano wo mu muhanda bahise bambura uruhushya rwo gutwara ibinyabiziga uyu mushoferi ndetse biravugwa ko ashobora gufatirwa ibindi bihano bikarishye kubera gukina n’ubuzima bw’abantu akareka inkende igatwara imodoka.

Uyu mushoferi yakoreye aya mahano mu muhanda wo ntara ya Karnataka y’Amajyepfo ku munsi w’ejo ahita atabwa muri yombi nyuma y’uko aya mashusho akwirakwiriye ku mbuga nkoranyambaga.

Kompanyi itwara abagenzi uyu mushoferi akorera yavuze ko igiye gukora iperereza kuri uyu mushoferi ndetse atazongera guhabwa uburenganzira bwo gutwara abantu.

Leave a Reply