Abakobwa nibo basanzwe ku gitutu ko bakwiye gushaka bakiri bato gusa abahanga bagaragaje neza ko abahungu nabo bakwiye gushaka bakiri munsi y’imyaka 35 kuko gushinga umuryango hejuru yayo bifite inkurikizi mbi.

Abahanga berekanye ko gushaka ukiri muto bidakwiye kuba umwihariko w’abagore maze baburira abagabo ko gushaka ukiri muto bikuraho ibyasha abana bavukana iyo babyawe n’ababyeyi bari hejuru y’imyaka 35 y’amavuko. byavuzwe mu nyigo yakozwe n’abahanga mu by’ubuzima ndetse binatangazwa mu nkuru y’ikinyamakuru The British Medical Journal.

Iyi nyigo yakorewe ku bana miliyoni 40 yagaragaje ko abana babyawe n’ababyeyi bagejeje ku myaka 35 baba bafite ibyago byo kuvukana ibyasha bigenda byiyongera iyo imyaka yabo bakomokaho igeze hagati ya 40 na 50, aho bagaragaza ko uko umugabo agenda akura intanga ngabo igenda icika intege.

Ubushakashatsi bugaragaza ko umwana wabyawe n’umubyeyi wujuje imyaka 35 ajya mu ngaruka zo gutakaza ibiro cyane kurenza uwabyawe n’umubyeyi uri hagati y’imyaka 25 na 34,byagaragajwe ko kandi umwana uvuka ku mubyeyi ufite hejuru y’imyaka 45 aba asaba kwitabwaho cyane kuko avukana ubwenge buganutseho ubwo yakabaye agira avutse ku mubyeyi ukiri muto.

TANGA IGITEKEREZO KURI IYI NKURU